GMN TV Politika Sé AMP la eziste ona, FRETILIN: Taur tenke rezigna-an husi nia kargu

Sé AMP la eziste ona, FRETILIN: Taur tenke rezigna-an husi nia kargu

0 views

Reprezentante povu iha uma fukun Parlamentu Nasional (PN), liu-liu bankada FRETILIN, konsidera, tuir étika, Primeiru Ministru (PM), Taur Matan Ruak, rezigna-an ona husi ninia kargu, tanba liu husi ninia deklarasaun hafoin Orsamentu Jerál Estadu (OJE) tinan 2020 xumba iha PN katak, “AMP mate ona Aliansa Mudansa ba Progresu (AMP), iha loron 17, fulan Janeiru ne’e no halo’ot ona iha loron 20, fulan Janeiru ne’e”.

“Tuir regra loloos, sé AMP la eziste ona, nia merese atu rezigna-an, étika loos, maibé laiha regra ka baze legal ida dehan bainhira situasaun hanesan ne’e la ezerse ona kargu ne’e, tanba ne’e polítiku sira halimar ho situasaun polítiku sira, maibé atu hakotu impase polítiku iha prosesu nia laran no Xefe Estadu sei halo konsertasaun, oinsa líder polítiku sira bele tuur hamutuk. Ita hein foin loron hira de’it, sente situasaun hanesan difísil liu tiha ona, ha’u hanoin ita tenke hanoin pozitivu katak, hanesan povu ne’ebé iha esperensia naruk ho terus, nia hatene iha dalan sei mosu dalan loos no dalan ne’ebé di’ak líder polítiku sira sei hakru’uk ba povu no Estadu, hodi buka solusaun la’ós ba sira, maibé ba povu no Estadu nia interese”, Vise Xefe bankada FRETILIN, Francisco Miranda Branco ba jornalista sira iha PN, Kuarta (05-02-2020).

Francisco akresenta, atu buka solusuan ba impasse polítiku ne’e, tuir konstituisaun RDTL artigu 74 hateten, Prezidente Repúblika mak Xefe Estadu, símbolu no garantia independénsia nasionál no unidade Estadu ni’an.

Instituisaun demokrátika sira-nia funsionamentu regular atu buka dalan ba ida ne’e, labele meramente jurídiku, maibé polítiku tenke rezolve ho soluasaun ida polítiku baze iha konstituisaun.

Hatán ba kestaun ne’e, deputadu bankada PLP,  Sabino Soares “Guntur” hateten, PM, Taur Matan Ruak rasik mak sei responsabiliza ba ninia deklarasaun, tanba deklarasaun sira ne’e, karik bazeia ba buat ruma.

“Prosesu sosiál hodi bele atinji objetivu di’ak liu ba ita-nia Estadu no povu, ho nune’e entrega ona ba Xefe Estadu, maibé ho situasaun emerjénsia konstituisaun la folin, polítiku mak folin mai husi superiór dezisaun saída mak prevé iha konstituisaun, la prevé ne’e desizaun PR. Ha’u nia hanoin di’ak liu krize hanesan ne’e ema hotu tenke tuur hamutuk, liu liu partidu polítiku ne’ebé hetan asentu parlamentar tenke ko’alia hodi konklui buat ruma, desizaun  Xefe  Estadu  mak  hamosu  impasse, tanba ne’e, bola merah agora ona ba nia fatin, nia tenke hanoin di-di’ak atu deside, sé la elimina balun ne’e sai problema boot, tanba ne’e líder rezinténsia no veteranu sira tenke unidade”, tenik Guntur.

Atu solusiona impasse politíku ne’e, tuir konstituisaun artigu 86 aliñea F kompeténsia Prezidente Repúblika, Francisco Guteres “Lú Olo” hala’o diálogu ho partidu polítiku no entidade relevante sira no diálogu hirak ne’e hala’o hahú husi loron 23, fulan Janeiru to’o loron 4, fulan Fevereiru ne’e, hafoin atu foti desizaun hodi solusiona impasse politíku durante tinan 2 resin ne’e. ety


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker