GMN TV Politika Sekretáriu rejionál RAEOA seidauk simu pose, LuGu: Sei hein resposta husi ParPol sira

Sekretáriu rejionál RAEOA seidauk simu pose, LuGu: Sei hein resposta husi ParPol sira

Relasiona ho opiniaun ne’ebé espalla iha públiku, hodi krítika hasoru atuál Prezidente Reziaun Administrativa Espesiál Oe-Cusse Ambeno (RAEOA) no Zona Espesiál Ekonómia Sosiál Merkadu (ZEESM), José Luis Guterres “LuGu”  katak, Prezidente RAEOA atual abandona ninia servisu no seidauk kompleta estrutura foun RAEOA.

Ho nune’e, reprezentante Prezidente RAEO-ZEESM sesante, eis Sekretária Rejionál Finansas, Adjunta Prezidente RAEOA, Leonia Monteiro kestiona, mandatu Sekretária Jerál sesante termina iha loron 1, fulan Janeiru, tinan ne’e, maibé Prezidente atual seidauk nomeia Sekretáriu Rejionál foun hodi hala’o servisu iha RAEOA.

 “Ami atu informa ba públiku iha loron hira liu ba, LuGu nia Xefe Gabinete, Agustino Kaet halo informasaun ida katak, ami la konsege rai hela servisu ruma no mós ami la konsege hand over, ami abandona ami-nia servisu, maibé informasaun sira ne’e laloos. Atu klarifika de’it ba públiku katak, membru autoridade nia mandatu tinan 5, entaun ita hotu hatene katak, iha loron 30, fulan Jullu, tinan 2019, Mari Alkatiri nia mandatu hotu ona, no mós membru autoridade na’in 6 nia mandatu remata iha loron 1, fulan Janeiru, tinan 2020. Loos duni katak, seidauk to’o loron 120 PM nomeia ona Prezidente foun, José Luís Guterres no ami haruka karta ida ba Prezidente atual hodi proposta foun ba PM, hodi nomeia membru autoridade foun, maibé fulan 3 ona seidauk iha membru autoridade”, Eis Sekretária Rejionál Finansas, Adjunta Prezidente RAEOA ne’e iha Faról, Díli, Kuarta (05-02-2020).

Hatán ba preokupasaun ne’e, atual Prezidente RAEOA, José Luís Guterres “LuGu” hateten, krítika nee hanesan meius ida, hodi mellora servisu ne’ebé di’ak liu tan iha RAEOA.

Tuir Lugu, kona-bá Sekretáriu Rejionál ne’ebé seidauk simu pose ne’e, tanba seidauk iha resposta balun husi Partidu Polítiku (ParPol).

“Ema sira ne’ebé hakarak krítika dehan la di’ak, halo favór kontinua krítika nafatin, ami laiha problema sobre ida ne’e, maibé atu dehan ba imi katak, nomeasaun Sekretária Rejionál ne’e ami hein, ami hakerek ona surat ba líder ParPol sira, balun ami simu ona, mais balun seidauk, ne’ebé ho respeitu tomak ne’ebé mak ita iha ba ita-nia instituisaun polítika rai-laran ne’e mak ate agora mai seidauk halo nomeasaun no noemeasaun mós tenke liu husi prosesu formál ida que ami sei hala’o.  Maibé ate agora ita nia prosesu partisipa dezenvolvimentu, haree dezenvolvimentu kontinua dezenvolve ita-nia rai Oe-Cusse ne’ebá kontinua nafatin, saláriu mós la’o hela, administrasaun mós la’o hela, ami halo buat ida que di’ak ba ita-nia rai, ne’ebé ami bele iha Díli, maibé servisu ba Oe-Cusse ne’e la’o nafatin”,.

Tanba funsionáriu hori uluk tama tanba iha kartaun, “Funisionáriu kontratadu ne’ebé hori uluk tama tanba kartaun, ha’u rona buat ne’e, ha’u hatene, maibé tanba ne’e asuntu Estadu, presiza iha kontinuidade, respeitu mós ba povu Oe-Cusse, ami dehan hanesan ne’e extende, ita extende mezmu que ita hatene katak, tanbá kartaun, maibé ami labele, tanba kartaun hasa’i ema, ne’e polítiku ida que hori uluk ha’u iha IV Governu mós ami hala’o hanesan ne’e no agora mós tenke kontinua hanesan ne’e, tanba dezenvolvimentu Oe-Cusse la’ós partidu ida ni’an, Estadu Timor ni’an”, tenik LuGu.

Entretantu atual Prezidente RAEOA, Jose Luis Guterres “LuGu” simu pose husi Xefe Governu iha loron 13, fulan Novembru, tinan 2019, hodi subtitui Prezidente RAEOA sesante, Mari Alkatiri. san


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker