GMN TV Politika Veteranu sira husu PR Lú Olo hakotu impase polítiku ho imparsial

Veteranu sira husu PR Lú Olo hakotu impase polítiku ho imparsial

0 views

Prezidente Konsellu Veteranu Kombatente Libertasaun Nasional, Riak Leman, hatete, iha sira-nia diálogu ho Prezidente Repúblika (PR), Francisco Guterres Lú Olo, hodi buka solusaun ba impase polítiku iha rai-laran, sira husu  ba Xefe Estadu atu foti desizaun ho imparsialidade.

“Ami husu ba sua exselensia katak, atu fó solusaun ba problema impase polítiku ne’ebé iha, tenke hola desizaun ho impasialidade, tuir lei ne’ebé hakerek ona tuir konstituisaun,  ami husu mós ba Prezidente Repúblika no maun bo’ot sira, hanesan maun bo’ot Xanana, maun bo’ot Marí Alkatiri, Ramos Horta, Primeiru Ministru Taur Matan Ruak, no Lere Anan Timur atu tu’ur hamutuk hodi rezolve impase polítiku ne’ebé hotu hotu enfrenta”,afirma Riak Leman ba Jornalista sira Segunda (03/02/2020) iha Palásiu Prezidensial Nicolau Lobato Bairo Pité Díli.

Riak Leman hatutan, uluk iha funu maun bo’ot nain hira ne’e mak hamutuk ho povu tomak, veteranu no joven sira hodi hakotu funu  ne’ebé naruk tebes, ema barak mak mate ba rai ida ne’e.

Tanba ne’e, Riak Leman afirma, impase polítiku iha rai laran ne’e ki’ik, kuandu maun bo’ot sira hamutuk no hanoin ida deit.

 “Ami rai hela hanesan ne’e, maun bo’ot sira mak hanoin ba,  haree ba  tanba ita-nia povu  ne’e terus barak ona, ema barak mak halerik terus, ema barak hein hela ahi atu lakan, ema barak mak hein hela estrada atu diak, barak bee moos laiha, ida ne’e mak situasaun agora ita hasoru hela”, salienta lider másimu Konselhu Kombatente  Libertasaun Nasional Ne’e.

Riak Leman konsidera, situasaun polítika rai laran ne’e hanesan nahan todan ida, servisu todan ida ba maun bo’ot nain hira ne’e, no sira tenke hamutuk duni hodi rezolve problema ida ne’e.

“Ha’u fiar katak sira sei hamutuk, no maun bo’ot sira mesak veteranu, ne’ebé hotu hotu hatene muito bem situasaun ne’ebé ita-nia povu ne’e enfrenta, no pasa ona hotu-hotu hatene,  tanba ne’e husu ba rai lulik sira uma lulik sira matebian sira, ne’ebé mate ona rihun 200 resin, pelu menus fó hanoin ba sira, tulun sira, sira bele tu’ur hamutuk hodi fó solusaun ba impasse polítiku ne’e”, hakotu Riak Leman.

Emprezáriu Timor-oan sira lakohi eleisaun antesipada dala rua

Prezidente Câmara Comercio Industria de Timor Leste (CCITL), Oscar Lima, hatete, setór privadu sira iha Timor-Leste, la  prepradadu no lakohi atu ba eleisaun antesipada ba dala rua, tanba la fó benefísiu ba setór privadu sira no povu.

“Ami mai para hato’o ami nia hanoin,  kona ba ita-nia situasaun ne’ebé mak ita infrenta hela,  lifuan hotu ne’ebé ami  hato’o ba sua selensia Prezidente Repúblika, butr barak ne’ebé ami labele ko’alia, maibé ami enrega ba Prezidente Repúblika mak sei desidi, konforme Prezidente Repúblika tuir konstitiuisaun haruka, direitu perogativu ne’ebé Prezidente mak sei deisidi”, dehan Oscar Lima ba Jornalista sira Segunda (03/02/2020) iha Palásiu Prezidensial Bairo Pite Díli.

Tuir Oscar Lima, setór privadu sira la preparadu no lakohi eleisaun antesipada, hanesan direitu husi sidadaun Timor-oan, ne’ebé hanesan mós emprezáriu nasional sira, hanesan mós Prezidente  Câmara Comercio Industria Timor Leste, sira la konkorda ho Eleisaun Antesipada.

“Situasuan ida kuandu la’o hanesan ne’e, la’os deit setór privadu, maibé ema hotu enfrenta situasaun ida ké ladiak,  tanba ekonomia ne’ebé sei hakdasak tebes, emprezáriu barak  sei taka sira-nia atividade ekonomika,  iha balun taka ona, no ohin ami mós ko’alia katak, situasuan ida ne’e situasaun ida ké grave, sé kontinua ba nafatin iha despresaun ekonomika, buat sira ne’e hotu labele halo atividade,  kolega emprezáriu balun mós hasai ona sira nia funsionáriu balun, hatudu katak ida ne’e afeta, tanba dezempregu sae aas ba bebeik” realsa Oscar.

Líder másimu CCITL ne’e fundamenta, situasaun ne’e kontinua bebeik ba oin, sei labele  rezolve problema rai laran, tanba empreza balun dadaun ne’e hamenus ona sira-nia funsionáriu sira, situasaun ida ne’e afeta makas ekonomia rai laran.

“Ami hakarak atu rezolve problema krize  ne’e, tanba  krize ne’e naruk liu ona, ida ne’e mak tenke rezolve lalais, tanba  selae hamate setór privadu sira, ne’ebé ida ne’e mak ami hakarak”, tenik Oscar Lima.oly

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker