GMN TV Politika Xave hakotu impase polítiku, PR Lú Olo ho PM Taur tenke buka Xanana

Xave hakotu impase polítiku, PR Lú Olo ho PM Taur tenke buka Xanana

0 views

Deputadu husi bankada PLP, Sabino Soares Guntur, sujere ba Prezidente Repúblika (PR), Francisco Guterres Lú Olo ho Primeiru Ministru (PM), Taur Matan Ruak, ne’ebé nu’udar alin, atu buka tuir líder rezisténsia Kay Rala Xanana Gusmão, nu’udar maun no xave ba Estadu Timor-Leste (TL), nune’e kumpri nafatin kultura rezisténsia nian, tanba Xanana mak nu’udar maun ida, imposibel ba nia atu buka tuir nia alin sira hodi ko’alia.

“Xanana ne’e imposibel atu halo diálogu ho imi, tanba nia mak Estadu ne’e nia na’in, nia mak ka’er xave, ne’eduni imposibel nia mak atu ba tu’ur ko’alia fali ho nia alin sira hodi tesi lia ne’e, susar. Eseptu imi (líder sira) ba konsulta para nia (maun boot Xanana) fó hanoin no fó orientasoens para depois halo nusa para problema ne’e hotu ona, tanba maun ne’e sempre maun, tanba ne’e mak sujere, sira na’in rua (PR Lú ho PM Taur) nu’udar maun no alin, tenke buka malu, nune’e kultura rezisténsia ne’e tenke vale nafatin para bele hakotu lalais impase polítiku ne’e, se la’e ita rona liu mak konspirasaun polítika esterna nian, konserteza mai fahe bebeik ita”, rekomenda deputadu AMP ne’e ba jornalista sira iha PN, Kuarta (05/02/2020) ne’e.

Guntur konsidera, hafoin komemora independensia iha tinan 2002, pensamentu líder komesa nega malu, tanba interese polítika ida-idak nian, maske líder barak atu sai bo’ot, liu husi kontribuisaun no ho apoiu Kay Rala Xanana Gusmão nian.

“Husi prosesu 2002 mai leten, pensamentu fundadór mai para nega total porsesu rezisténsia, kona-bá saída mak FALINTIL sira halo, no saída mak ema rezisténsia sira halo, sira nega total, ida ne’e la’o hela, tanba mai dehan  bandidu luron ninin nian, dehan la’os FRETILIN, ne’e insulta ida, satán hanesan maun Xanana Gusmão ne’ebé ema tarata iha média sosial sira, tuir loos ema hotu tenke halo reflesaun, kuandu iha Timor ne’e se de’it mak hakarak hetan poder, kuandu la ho apoiu Xanana, sira seila sai bo’ot, pior liutan kuandu sai ona bo’ot, dehan fali Xanana mak ladi’ak, ita sempre akompaña, kuandu líder atu sai bo’ot ne’e, sempre ho Xanana nia apoiu, maibé kuandu ultrapassa situasaun ne’e, dehan Xanana mak ladi’ak fali”, tenik Sabino.

Alende ne’e, deputadu bankada FRETILIN, Francisco Miranda Branco, hateten, líder sira tenke diálogu, nu’udar kultura Timor nian, iha sosiedade no polítika.

“Diálogu tenke sai kultura polítika no sosiedade Timor-Leste nian, se ita haree polítikamente rezultadu eleisaun 2018 nian, ne’e hatudu klaramente katak, povu hakarak líder polítiku sira atu loke diálogu ba malu, tanba ne’e mak tuir loloos líder polítiku sira tenke estuda didi’ak no análiza rezultadu eleisaun ne’ebé povu la fó maioria absoluta ba partidu ida, povu hakarak fó mensajen ba líder polítiku sira katak, sira presiza tu’ur hamutuk hodi rezolve situasaun TL nian, no rezolve Estadu no povu nia moris”, afirma Vise Xefe bankada ne’e.

Antes ne’e, major jeneral Lere Anan Timur mós, husu Prezidente Repúblika, Francisco Guterres Lú Olo ho Primeiru Ministru, Taur Matan Ruak atu rai hela kargu, hodi buka tuir líder rezisténsia, Kay Rala Xanana Gusmão, nu’udar maun bo’ot.

Maske nune’e, hafoin proposta Orsamentu Jerál Estadu ba tinan 2020 ne’ebé ho montante biliaun USD 1.668 ne’e, xumba iha Parlamentu Nasionál, Xefe Estadu konvida ona partidu polítiku sira ne’ebé hetan asentu iha Parlamentu Nasionál kinta lejislatura nian, inklui entidades relevante sira, hodi rona opiniaun antes foti desizaun ba inserteza polítika ne’e.

Maibé, husi loron 17 ne’ebé orsamentu la passa iha Parlamentu Nasionál, nunka iha komentáriu ka deklarasaun ruma husi Kay Rala Xanana Gusmão, nu’udar mós Prezidente partidu CNRT, ne’ebé parte mós husi koligasaun AMP nian.say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker