GMN TV Politika Governu mak tenki organiza hodi simu Xanana

Governu mak tenki organiza hodi simu Xanana

0 views

Deputadu Congresso Nacional de Reconstrução Timorense (CNRT), Arão Noe, klarifika, atu simu xefi negosiador prinsipal ba Fronteira Maritima (FM), Kay Rala Xanana Gusmão, iha Timor-Leste hafoin hetan vitoria ba FM, kompetensia tomak iha Governu nia liman, maibe infelismente Governu la halo ida ne’e.

Arão Noe dehan, bainhira xefi negosiador Kay Rala Xanana Gusmão, to’o iha Timor-Leste, iha membru Governu balun ba simu, ne’e signifika sira hatene hela, maibe tamba saida sira la halo. Tamba ne’e mak ALiansa Mudansa ba Progresu ba simu iha Aeroportu Nicolau Lobato Dili, tamba konsege lori vitoria ba TL.

“Atu simu nu’udar Xefi negosidaor FM ne’e kompetensia Governu nian, atu organiza povu hodi halo preparasaun, la’os kompetensia partidu nian. Ami nunka partidariza asuntu ne’e, aktu ne’e Estadu nian, tanba ne’e mak ami ba simu maun bo’ot iha aeroportu hanesan prezidente partidu CNRT inklui mós prezidente AMP nian,”dehan deputadu Arão Noe ba jornalista iha PN, Kuarta ( 14/03/2018).

Arão Noe hateten, Governu mak iha komptensia atu rekoñese esforsu Kay Rala Xanana Gusmão hanesan xefi negosiador ba delimitasaun FM nian.

“Ami la ba foti kompetensia ema ida nian, se momentu ne’e Governu sente katak maun bo’ot mai hanesan Xefi negosiasaun ba delimitasaun FM ne’e, tuir loos Governu mak tenke organiza,”dehan Arão.

Polítiku ne’e esklarese, tuir loos Governu oganiza asaun ne’e iha kedas loron 06 fulan Marsu liu ba, bainhira asina akordu ba delimitasaun FM ne’e iha Nova Iorque maibe momentu ne’eba Governu la halo asaun ruma.

“Se ami halo asaun ami nian ketak, hodi ba simu ami-nia prezidente ne’e hanoin la sala ida, tanba maun bo’ot mós la lori FM ne’e iha bolsu, tanba buat asina rasik husi Governu, sr. Agio Pereira mak lori mai, ne’e duni laiha ligasaun ho ami ba simu maun bo’ot ne’e dehan polítiza, ami fo onra de’it ba maun bo’ot nia luta,”tenik Arão Noe.

Arão Noe haktuir, dokumentu ne’ebé asina iha Nova Iorque, adjuntu Primeiru Ministru, Agio Pereira rasik mak lori fila, hafoin asina, maibe la’os Xanana Gusmão mak lori.

“FM ne’e sr. Agio Pereira mak asina no lori livru ne’e mai entrega Governu Timor-Leste, nusa mak maun bo’ot la’o ketak mai, ami mós labele ba simu, konta istoria ne’e tenke, tanba ema ida mak luta, ne’e ita tenke rekoñese, labele tan de’it interese nasion’al ita subar fali ema ida luta ne’e,” katak Polítiku nain ne’e.

Antes ne’e, portavoz Governu, Matias Boavida, justifika, Governu la marka prezensa iha aeroportu, tanba lahetan konvite no falta komunikasaun.

Xefi Negosiador delimitasaun FM ne’e, to’o iha Timor-Leste iha loron 11 fulan Marsu ne’e, hafoin tratadu FM asina iha Nova Iorque, iha loron 6 fulan Marsu ne’e, maske nia rasik la partisipa iha serimonia asina akordu ne’e.Say


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker