GMN TV Politika KM aprova rezolusaun TL adere ba ASEAN

KM aprova rezolusaun TL adere ba ASEAN

0 views

Ministru Negosiu Estranjeiru no Kooperasaun (MNEK), Aurelio Guterres, informa, horibainrua (14/3) Governu, liu husi Konsellu Ministru (KM) sira aprova ona rezolusaun ne’ebé indika eis Prezidente, José Ramos Horta lidera prosesu Timor-Leste adere ba Association of Southeast Asian Nations (ASEAN).

“Prosesu TL atu adere ba ASEAN durante ne’e la’o hela, mais atu haforsa liu tan horibainrua (14/3) iha KM, MNEK hato’o proposta ida ba KM hodi aprova rezolusaun ida ne’ebé que indika ita nia eis Prezidente, Ramos Horta lidera prosesu para bele involve ministériu hotu-hotu nia servisu mais koordenadu no integradu kona-bá adesaun ba ASEAN ninian,” MNEK, Aurelio Guterres ba jornalista sira hafoin remata enkontru ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Kinta (15-03-2018), hodi informa servisu multilateral MNEK ninian ba PR.

Nia esplika, MNEK internalmente kontinua halo reforsu, liu-liu formasaun ba diplomata sira, agora dau-dauk halo hela formasaun ba diplomata senior, konselleiru no sira ne’ebé toma konta asuntu polítiku, MNEK kontinua koordena atu halo formasaun ba pesoal sira liu-liu husi ba ministériu relevante.

Ha’u halo ona enkontru dala rua (2) ho Primeiru Ministru, Singapura no dala ida (1) iha simeira ASEAN iha Manila, Ministru Negosiu Estranjeiru Singapura ninian sira apoiu Timor-Leste, liu-liu kona-bá preparasaun rekursu umanu ba Timor-Leste sira prontu apoiu,” hateten MNEK.

Nia akresenta, Timor-Leste tenki prepara-an hela, to’o pontu dehan prontu ona no nasaun membru ASEAN sira simu ona Timor-Leste, hein adere de’it, tanba preparadu ona.

“Ita tenki ser optimista, kuandu ita halo buat ida tenki optimista maka halo planu no polítika ida, sé ita la optimista diak liu, lalika halo,” haktuir Aurelio Guterres.

Governu no KM nomeia eis Prezidente, Ramos Horta lidera prosesu Timor-Leste adere ba ASEAN, tanba Ramos Horta iha experiensia diplomasia tinan 40 resin, nune’e ninia experiensia sira ne’e bele kontribui hodi lobi iha nivel internasional.

Nasaun hirak ne’ebé maka oras ne’e dau-dauk sai membru Association of Southeast Asian Nations  (ASEAN) maka Filipina, Indonesia, Malaysia, Singapura, Thailand, Brunei Darussalam,Vietnam, Laos, Myanmar no Kambodiaves


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker