GMN TV Politika Toó loron 13 Marsu: Partidu 4 no koligasaun 4 mak kompete ba EA

Toó loron 13 Marsu: Partidu 4 no koligasaun 4 mak kompete ba EA

0 views

Comissão Nacional de Eleições (CNE) enkontru ho partidu polítika no koligasaun sira ne’ebé rejistu ona hodi kompete iha Eleisaun Antesipada (EA). Iha EA ne’e sei partisipa husi partidu hat (4) no koligasaun hat (4).

Eleisaun antesipada ne’e rasik sei hala’o iha iha loron 12, fulan Maiu, tinan ne’e, hafoin Prezidente Republika, Francisco Guterres ‘Lú Olo’ dekreta EA hodi hakotu impase polítika ne’ebé la’o durante fulan 6 nia laran iha nasaun.

Iha sorumutu ne’e, CNE informa ba partidu polítika sira kona ba atividade ne’ebé mak partidu polítika sira bele halo, no saida mak labele halo iha tempu konsolidasaun.

“CNE halo reuniaun ho partidu koligasaun no partidu sira ne’ebé deside la’o mesak iha eleisaun antesipada ne’e, hodi fó hatene ba sira katak, oras ne’e dadaun iha hela faze preparasaun, foin mak partidu sira konklui lista ba koligasaun nian, no inskrisaun ba partidu polítika sira sei hotu iha loron 21 fulan ida ne’e,”informa Alcino de Araújo Barris, ba jornalista sira iha salaun konferensia CNE Caicoli, Dili, Tersa (13/03).

Alcino esklarese, partidu sira ne’ebé mak deside atu la’o mesak mak hanesan, FRETILIN, Partidu Demokátiku (PD), Partidu Esperansa da Patria (PEP) no Partidu Repúblikanu (PR). Entretantu partidu sira ne’ebé mak deside la’o hamutuk mak, Aliansa Mudansa ba Progresu (AMP), FRENTI Dezenvolvimentu Demokrátiku (FDD), Movimentu Sosial Demokráta (MSD) no Movimentu Dezenvolvimentu Nasional (MDN).

Alcino Barris, haktuir, partidu polítika sira ne’ebé mak rejistu tiha ona iha CNE ne’e, hot-hotu hakarak atu eleisaun antesipada ne’e bele la’o ho diak, nomós tenki garante kualidade eleisaun ne’ebé diak.

Alende ne’e, reprezentante koligasaun AMP, Arão Noe, hateten, husi enkontru ne’e, CNE informa kona ba partidu sira ne’ebé rejista ona atu kompete iha eleisaun antesipada.

“Kovokatoriu ida husi Prezidenti CNE, atu iha enkontru ida ho partidu polítiku sira. Husi enkontru ne’e Prezidenti CNE informa mai ami partidu sira ne’ebé rejista ona hanesan Bloku, no partidu sira ne’ebé deside atu la’o mesak,”informa Arão Noe.cos


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker