GMN TV Politika Papel media difikulta polítiku nain monopóliu lia los

Papel media difikulta polítiku nain monopóliu lia los

0 views

Prezidenti Partidu Demokrátiku (PD), Mariano Asanami Sabino, hateten, ezistensia media iha Timor Leste, difikulta polítiku nain sira atu monopóliu lia los.

Asanami haktuir, media sira iha Timor Leste ne’e mak klamar ba demokrásia, no Governu tenki fó apoiu nafatin ba media, tanba demokrásia ne’e fizikamente sei mate, kuandu media laiha.

“Elementu tolu ne’ebé mak halo demokrásia moris ne’e mak, tenki uza rasosinu para debate no deskuti, rasosinu ne’e tenki transforma iha media hodi bele halo diskusaun iha ne’eba, tanba iha media, laiha ema ida bele monopolia lia los,” katak Asanami Sabino ba jornalista sira iha nia kana’ar fatin Fomento Dili, Tersa (27/02).

Nia hatutan, media mak fatin ida ne’ebé polítiku sira halo diskusaun no debate, no iha mós opiniaun oi-oin ne’ebé mak mosu liu husi media.

 “Lia los hotu ita tau iha media hodi diskuti no debate, ida ne’e mak konsistente hotu ne’ebé mak ita tenki halo,” katak Asanami.

Alende ne’e, Asanami Sabino mós esklarese, ohin ba oin PD husu ba jerasaun foun sira katak, PD la’os de’it hanesan partidu ida, maibé PD hanesan lokomotivu ida ba jerasaun foun hotu ne’ebé mak luta ba demokrasia atu la’o iha Timor Leste.

“Konsistente polítika ne’e importante, kompromisu ne’ebé inan aman sira ita tenki la’o, to’o tempu ona para ita tau ita nia forsa no ita nai enerjia no ita nia disiplina hamutuk para servi ita nia rai, duke ita fahe malu bebeik,” relata Asanami.

Timor oan hotu tenki hateke fila fali ba kotuk katak, husi Timor oan sira nia fahe malu  mak ema seluk aproveita tama hodi hafahe liu tan Timor oan sira.

“Husi ema seluk tama mak hamosu milisia, autonomista, no seluktan. Buat sira ne’e hotu mai husi prosesu ida ne’ebé mak fahe malu nian. Buat sira ne’e hotu, juventude sira ne’ebé hamrik ho sira-nia konsiensia, no dedikasaun tomak atu hametin unidade nasional ne’e diak liu,”katak Asanami Sabino.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker