GMN TV Politika PR Lú Olo: TL apoiu hapara violensia iha Síria

PR Lú Olo: TL apoiu hapara violensia iha Síria

0 views

Lori povu no nasaun nia naran Prezidente Repúblika (PR), Francisco Guterres ‘Lú Olo’, deklara, Timor-Leste (TL) apoiu apelu Amu Papa Francisco Jorge Mario Bergoglio no Sekretáriu Jerál Nasoins Unidas, António Guterres, atu hapara violensia iha Síria,  hodi bele rezolve konflitu liu husi negosiasaun.

“Lori ami-nia povu nia naran, no hodi valór sira-ne’ebé sai nuudar matadalan Estadu Timor-Leste nian, ha’u hato’o ami-nia rai nia apoiu ba apelu ne’ebé mai hosi Amu Papa Francisco no Sekretáriu Jerál Organizasaun Nasoens Unidas (ONU), António Guterres, atu hapara kedas violénsia no implementa sesar fogu,” PR Lú Olo ba públiku, iha Palasiu Prezidensial, Bairo Píte, Díli, Tersa (08-03-2018).

Nia akresenta, liu husi apelu Amu Papa Francisco no Sekretáriu Jerál Organizasaun Nasoens Unidas (ONU), António Guterres ne’e bele fó dalan ba inisiativa atu buka rezolve konflitu iha Síria liu hosi negosiasaun.

“Ita hotu iha devér atu serbisu hodi kria oportunidade hirak ne’ebé diak ba labarik sira iha Síria, no iha fatin selu-seluk ne'ebé moris iha funu, atu nune’e sira bele moris ho seguransa, haksolok iha uma-kain nia laran, iha sira-nia família laran, iha sira nia komunidade no kontribui ba dezenvolvimentu umanidade nian,” haktuir PR, Francisco Guterres ‘Lú Olo’.

PR Lú Olo esplika, konflitu iha Síria halakon ona ema rihun ba rihun nia vida, inklui labarik rihun ba rihun no ema sivíl feto ho mane boot ka labarik, maka sai vítima inosente ba hahalok aat hirak ne’ebé maka militante ISIS halo.

“Hahalok aat ne'e hanesan violasaun ba valór sira sivilizasaun nian ne’ebé maka ita defende no mós ba Direitus Umanus fundamentál sira ne'ebé rekoñese husi komunidade nasaun sira-nian no hatuur iha direitu internasionál, tanba ne’e Timor-Leste fó valór ba solidariedade Internasionál no bazeia ba karta ONU  no nu’udar membrus komunidade internasionál ita labele taka matan ba situasaun ida ne'e,” haktuir Lú Olo.

Nia relata, Timor-Leste fiar katak diálogu no negosiasaun hanesan instrumentu fundamentál ne’ebé maka presiza hodi rezolve konflitu iha Síria. Komunidade internasionál loke dalan urjente ba solusaun polítika, hakmatek no negosiadu ida ba konflitu iha Síria, hodi hakotu susar no terus ne’ebé sidadaun Síria hasoru dau-daun.

Konflitu iha Síria hahú iha fulan Marsu 2011, liu husi demonstrasaun ne’ebé inspiradu husi klima primavera Arabia (musim semi Arab) ne’ebé akontese iha sidade Deraa Sul.

Ínisiu konflitu iha nasaun Síria akontese hafoin utiliza forsa desliga Estadu para harahun diferensia hanoin iha Síria, husi ne’e maka hamosu demonstrasaun nasional ne’ebé eziji rezignasaun Prezidente Síria Bashar al-Assad, kontinua funu to’o agora.ves

 


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker