GMN TV Politika Programa ba tinan 5, AMP sei aprezenta ba povu iha kampaña

Programa ba tinan 5, AMP sei aprezenta ba povu iha kampaña

0 views

Programa Aliansa Mudansa ba Progresu (AMP) nian ba tinan 5, dadaun ne’e preparadu ona, no AMP sei aprezenta programa ne’e ba povu iha kampaña Eleisaun Antesipada (EA).

Xefi bankada CNRT, Arão Noe, hateten, planu ba dezenvolvimentu Timor Leste ne’e, tama hotu ona iha Planu Dezenvolvimentu Nasional, no  planu ida ne’e mak sai biblia ba Timor Leste nia dezenvolvimentu.

“Planu ba tinan 5 AMP nian prontu tiha ona, agora hein de’it atu lori ba kampaña, no sei AMP manan, ami promete dentru fulan ida nia laran, Governu formadu, programa Governu aprovadu, Orsamentu Jeral Estadu ba 2018 mós aprova,” katak Arão Noe ba GMN iha edifisiu CNE Caicoli Dili, Tersa (13/08).

Nia esplika, ho ida ne’e mak partidu tolu ne’e (CNRT, PLP no KHUNTO), adianta uluk koligasaun antes eleisaun, ulun labele moras tan ona diskusaun koligasaun nian depois eleisaun, atu bele fasilita formasaun Governu ne’e lais liu tan.

Akuzasaun husi partidu seluk mai AMP, li-liu CNRT ne’e, la’os foin mak hahú, maibé  ida ne’e hanesan propaganda ne’ebé mak la’o desde kampaña parlamentar 2017.

“Krime ne’e responsabilidade individu, hanesan maun Xanana Gusmão hateten tiha ona iha 2007, bainhira atu forma Governu AMP, maun Xanana dehan, ita sa’e kareta hamutuk maibé, tun ida-ida selu ninian,” katak

Nia esplika, liafuan Xanana Gusmão nian ne’e atu hateten katak, hamutuk forma koligasaun AMP hodi forma harii Governu, maibé kuandu iha sala ruma karik, ida-ida responsabilidade ba nia aan, tanba aktu krime ne’e, ema ida-ida mak halo, la’os partidu, no la’os aliansa ida mak halo.

“Durante tinan 10 Timor la halo buat ida, ida ne’e bosok, ha’u hanoin Timor Leste agora ne’e kuandu sukat ho nasaun barak iha mundu, ne’ebé foin ukun aan tinan 16, ita kompara ho nasaun balu iha mundu, ita adiantadu liu nasaun lubuk ida,” afirma Arão Noe.

Tanba ne’e, Xefi bankada CNRT ne’e afirma, hanesan Timoroan, tenki rekuñese saida mak iha ona, maske sei iha duni dezafiu balu ne’ebé mak presiza atu hadia.

“Kona ba estrada ita komesa halo to’o tiha ona nivel Munisípiu, ha’u fiar katak, tinan lima mai se AMP ukun tan, estrada ba Postu Administrativu no Suku sira sei konklui,” tenik Arão.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker