GMN TV Politika Relatoriu orsamentu duodésimu tenki aprezenta ba PN

Relatoriu orsamentu duodésimu tenki aprezenta ba PN

0 views

Deputadu Komisaun Permanente (KP) iha Parlamentu Nasionál (PN)  husu VII Governu konstitusional neebe lidera husi Primeiru Ministru Mari Alkatiri atu koopera hodi aprezenta relatoriu konaba utilizasaun orsamentu duodésimu ba PN.

Deputadu CNRT, Arão Noe liu hosi konferensia imprensa iha Parlamentu Nasionál (PN) Kuarta (14/03/2018) ne’e hateten, Governu presiza esplika detallu konaba prosesu tomak utilizasaun orsamentu duodésimu, tanba durante ne’e, parlamentu lahetan asesu ba portal Governu hodi akompaña.

“Ami detekta katak, viola ona lei jestaun finanseira artigu 31 ne’ebé tuir loloos orsamentu duo-désimu ne’e ita bele uza tuir de’it Orsamentu Jeral Estadu 2017 nian, maibe Governu halo fali alterasaun ajusta fali estrutura Governu atual, ne’e indika katak iha violasaun grave ba funsionamentu ita nian, hanesan Estadu direitu, bazeia ba lei jestaun finanseira,”hateten Arão Noe.

Antes ne’e, deputadu bankada tolu ne’e mós hatama ona karta ba Governu, liu hosi Ministeriu Finansa, atu marka prezensa iha plenaria extraordinariu komisaun permanente nian iha Parlamentu Nasionál hodi esplika uzu orsamentu duo-désimu nian.

“Presiza klarifika mai, ami halo pergunta la’os atu buka Governu nia sala, maibe ita atu buka solusaun, se iha duni problema Governu nian atu ultrapasa konaba Orsamentu Jeral Estadu ba finansiamentu Estadu nian sustentabilidade, mai ita ko’alia hodi haré alternativu lei ruma hodi ajusta, la’os uza fali meius sira ne’e hodi viola regras sira tuir ita nia gostu de’it,”dehan Arão Noe.

Antes ne’e, Prezidente Parlamentu Nasionál, Aniceto Guterres, informa,         maske antes ne’e, Ministru Finansa, Rui Gomes, hateten, iha posibilidade atu marka prezensa iha PN, maibe Ministru Finansa nee lakonsege marka prezensa, tanba hetan tan karta ho pergunta eskrita hamutu 29 husi deputadu bankada tolu ne’e rasik, atu fo resposta ba deputadu sira kona ba prosesu orsamentu duo-désimu nian,

Ne’ebé, presiza tan loron 30 nia laran atu bele resposta pergunta 29 nia ho meius eskrita ba deputadu sira iha PN.

Alende ne’e, deputadu CNRT, Arão Noe, haktuir, Primeiru Minisrtu, Marí Alkatiri, hato’o ona karta resposta ba Parlamentu Nasionál, katak PN laiha kompetensia atu halo fiskalizasaun ba Governu, tanba disolve ona.

Relasiona ho resposta husi PM Marí Alkatiri ne’e, Deputadu bankada PLP, Fidelis Magalhães, sujere ba Prezidente Parlamentu Nasionál, Aniceto Guteres, atu ajenda kona ba interpretasaun funsaun komisaun permanente nian, hodi akompaña ka fiskaliza ba atividade Governu nian, ba plenaria hodi bele define didi’ak papel Komisaun Permanente nian, tanba Parlamentu ne’e sei hela ho inserteza ba nia funsaun rasik.Say


Banner

Foto

Notisia Ikus

Ramos Horta: Papa Francisco kontente TL nia desizaun implementa DFU

May 19, 2022
Prezidente Repúblika (PR) eleitu, José Ramos H...

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...
1 2 3 728

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker