GMN TV Politika Selebra susesu FM, Veteranus-MKOTT halo asaun pasífiku

Selebra susesu FM, Veteranus-MKOTT halo asaun pasífiku

0 views

Loron 7, fulan marsu, tinan ne’e, hanesan loron historíku ida ba nasaun Timor Leste ho Australia ne’ebé asina ona akordu delimitasaun Fronteira Marítima iha Nova Iorque, Nasoens Unidas, hafoin iha fulan hirak nia laran halo diskusaun maka’as ba asuntu refere,

Ho vitória ne’ebé mak ekipa Negosiasaun Fronteira Marítima lidera husi Kay Rala Xanana Gusmão hetan ne’e, Veteranus no Movimentu Kontra Okupasaun Tasi Timor (MKOTT), la tur nonok deit, maibe fo mos sira nia solidariedade liu husi asaun pasífiku hodi fó agradesimentu ba Estadu 2, Australia ho Timor-leste nia prontidaun.

“Ita nia misaun no ita-nia asaun, konsege ita hetan tratadu Mar Timor, maibé husi Task force veteranus hakarak hato’o ba Timor oan hotu no veteranus kombatentes libertasaun nasional katak, ita-nia luta seidauk to’o nia rohan, tanba falta buat ruma mak ita tenki hetan, ida mak Governu Timor Leste ho Governu Australia tenki ratifika lalais konvensaun lei internasional, kona ba tratadu Mar Timor, ida seluk mak, kadoras tenki mai Timor Leste,”kata Jorge Alves ba jornalista iha Muzeu Rezistensia Colmera Dili, Kuarta (07/03).

Veteranus ezije atu dada kadoras mai Timor Leste, hodi hatudu ba mundu tomak katak, maske Timor Leste ne’e nasaun kiik, maibe sempre defende nia direitu.

Nia hatutan, iha tempu rezistensia, Timor-oan sira hakilar liafuan ida de’it mak, mate ka moris ukun rasik an, agora mate ka moris, kadoras tenki mai Timor Leste.

Nia afirma, veteranu sira nia idade la naruk ona, maibé sei iha kompromisu ida ba povu no nasaun Timor Leste, tanba lakohi atu rai todan ba jerasaun foun sira aban bainrua nian.

“Maske ami halo la kompletu, maibé ami husu ba ita bo’ot jerasaun foun sira atu hatutan saida mak ami halo hela. Ha’u hato’o ba veteranu sira iha Munisípiu hotu katak, ita-nia luta seidauk hotu, bainhira kuandu ita-nia luta hotu ona, povu tenki moris diak,”katak Jorge Alves.

Iha oportunidade ne’e, Jorge Alves lori veteranu Timor Leste nia naran, hato’o kongratulasaun ba veteranus no povu Australia, tanba sira mós apoiu hodi ezije Governu Australia ba delimitasaun fronteira tasi nasaun rua ne’e nian.

“Ita mós agradese ba veteranus Australia, tanba sira fó apoiu maka’as ba ita nia prosesu delimitasaun fronteira marítima, tanba sira rasik mós la’o ho ami veteranus Timor Leste hodi halo marsa da paz ba embaixada Australia nian iha Timor Leste,” katak Jorge Alves.

Alende ne’e, Veteranu Cornelio Gama ‘L-7’, husu ba povu Timor Leste, atu mantein estabilidade no paz iha Timor Leste, hodi luta dala ida tan atu dada kadoras mai Timor Leste.

“Ha’u husu ba inan-aman sira, ita tenki tu’ur hakmatek, fiar malu, respeita malu, no partidu bele barak, maibé fiar de’it mak liafuan unidade, asaun no progresu, la’os uza violensia,”katak L-7.

Veteranu  ne’e husu ba joven sira atu hadomi sira-nia nasaun rasik, hanesan veteranu  sira uluk hatudu ona ba mundu katak, mate ka moris ukun rasik aan.

“Buat hotu ami sei entrega ba imi, maibé imi mós tenki iha fiar no domin ba nasaun, tanba imi mak sei jere no kaer ita nia rikusoin no ita nia nasaun,” katak L-7.

Maske parte Australia ho Timor Leste asina ona akordu FM, maibe tuir ABC News fó sai katak, Xefi negosiador prinsipal ba Delimitasaun Fronteira Marítima, Kay Rala Xanana Gusmão, la kontenti.  Nune'e nia akuza Governu Australia tamba halo koluiu ho kompañia Woodside Petroleum, no Conocophillips ne’ebé atu halo explorasaun ba mina no gas iha mina matan Greater Sunrise hodi dada ba Darwin Australia duke dada mai Timor Leste, tuir TL nia hakarak.cos


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker