GMN TV Politika Veteranus Gariuai husu kria lei espesial

Veteranus Gariuai husu kria lei espesial

0 views

Liuhosi Komemorasaun Loron Nasional ba Veteranus nian, Veteranus no kombatentes Kaixa Vitimori, husu ba Prezidente Repúblika ho Governu, atu kria lei espesial ba veteranus no kombatentes libertasaun nasionál, hodi garante ezistensia kaixa klandestina sira.

“Ami Frente Klandestina Kaixa Vitimori, halibur hamutuk, hodi komemora loron nasionál Veteranus no mós primeiru aniversariu plaka rezistensia Kaixa Vitimori nian, liuhosi oportunidade ne’e,  ami husu Prezidente Repúblika no Governu, tenke kria lei ruma, atu bele garante kaixa klandestina nia ezistensia iha Timor laran tomak,” deklara portavoz, Olindo Marques das Nunes, liuhosi konferensia imprensa, hafoin komemora loron nasionál veteranus nian, inklui aniversariu monumentu memoria kaixa Vitimoris nia ba dala ida iha Aldeia Baha-mori, Suku Gariuai, Postu-Administrativu Baucau Villa, Munisipiu Baucau, Sábadu(03/03/2018).

Veteranus no kombatentes Kaixa Vitomori husu mós ba Governu atu harí sentru formasaun ba Frente klandestina no juventude sira ne’ebé kbi’it lato’o atu asesu ba estudu iha níver bo’ot.

“Ami husu ba Governu, harí netik sentru formasau ida hodi fasilita  membrus Frenti klandestina  ho ami nia juventude sira ne’ebé laiha kbi’it hodi bele kontinua sira nia estudu iha universidade,”dehan Olindo.

Aliende ne’e, kombatentes Kaixa Vitimori, Lourenço Belo dehan, kria dekretu lei ba kombatentes ne’e importante, hodi bele garante mós Frente klandestina nia prezensa iha luta ba ukun rasik an.

“Ami presija dekretu lei ida ba ami Frente klandestina iha territoriu hotu, para ami mós tama iha lei, liuhosi lejislativu formal,  tanba durante ne’e, nunka kria lei ida mai ami klandestina,”dehan Luorenco.

Komemorasaun loron veteranus ne’e, Veteranus no kombatentes sira husi Suku Gariuai, halibur hamutuk iha monumentu memoria kaixa Vitimori ne’ebé lokaliza iha Aldeia Baha-Mori,  nu’udar mós fatin subar ba Taur Matan Ruak iha tempu rezistensia, hodi selebra loron nasionál Veteranus nian ba dahuluk ne’ebé realiza iha loron 03 fulan Marsu ne’e.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker