GMN TV Politika Xanana Gusmão: “La’os hau mak halo relatoriu FM”

Xanana Gusmão: “La’os hau mak halo relatoriu FM”

0 views

Xefi Negosiador Principal ba Delimitasaun Fronteira Maritima, Kayrala Xanana Gusmão, deklara katak, la’os nia mak halo relatoriu ba negosiasaun Fronteira Maritima nian ba VII Governo ne’ebe lidera husi Primeiru Ministru (PM), Mari Alkatiri.

Xanana esklarese katak, Governu liu husi Konselho Ministrus, nomeia ona Ministru Adjunto ba Primeiru Ministru ba asuntus Fronteira Maritima, Hermenegildo Pereira, mak halo relatoriu ba Konselho Ministrus ka Governo.

“Hau la’os membru Governu, iha ekipa ba negosiasaun uluk kedas iha Ministru, ita bolu dehan ajente de Timor-Leste, ajende de Timor-Leste maka reprezenta Governu, iha VII Governu ne’e Ministru Adjuntu ba Primeiru Ministru, Hermenegildo Pereira nudar ajenti, imi hare ba iha kompozisaun Governu ninian dehan katak Ministru Adjuntu ba Primeiru Ministru iha Negosiasoens Fronteiras Maritima, tanba ida ne’e nia membru Governu hau fiar teb-tebes,” afirma Xanana Gusmão ba jornalista sira iha Sede Nacional partidu CNRT, Sesta (16/3/2018).

Antes loron 6 Marsu atu asina akordu FM, Konselho de Ministrus hasai rezulusaun foti Adjunto PM Hermenegildo Pereira, ba asina akordu FM, ne’e duni foin Xanana rona katak Portavoz husi VII Governu dehan katak nia la aprejenta relatorio, nune’e Xanana k dehan portavoz ne’e keta lahatene prosesu ne’e karik.

Xanana Gusmão dehan, Primeiru Ministru VII Governu, Mari Alkatiri mos labele husu relatorio ba nia, tanba ajente Governu nian mos involve iha negosiasaun ne’e rasik.

“Primeiru Ministru VII Governu mos sei la mai husu mai hau.  Nia  ba husu nia Ministru Adjuntu ba Primeiru Minsitru ba negosiasoens Fronteiras. Governu hela iha ne’ebe hau mos haluha tiha ona, hau fulan 6 ba peregrinasaun ne’ebe agora hau haluha tiha ona, tanba ne’e maka hau atu dehan lolos, deskulpa la’os hau maka atu halo relatorio, maibe membru Governu iha ne’eba duni,” afirma Xanana Gusmão.

Antes ne’e Primeiru Ministru, Mari Alkatiri sei husu Xanana Gusmão nudar xefi negosiador ba FM atu aprejenta relatorio ba Governu.  Akordu ba Delimitasaun Fronteira Maritima entre Australia ho Timor-Leste, asina ona iha loron 6 Marsu, tinan ne’e, iha Nova Yorke. Akordu historiku ne’e, asina husi Adjuntu Primeiru Ministru ba asuntu Fronteira Maritima, Hermengildo Pereira ho Ministra Negosio Estranjeiro Australia, Julia Bishop, ne’ebe Sekretario Jeral ONU, Antonio Guterres nudar tertamuña. GMN


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker