GMN TV Politika Xanana sei esplika prosesu FM no GS ba povu ■Deside uluk FM mak diskuti GS

Xanana sei esplika prosesu FM no GS ba povu ■Deside uluk FM mak diskuti GS

0 views

Durante fulan 6 nia laran hala’o negosiasaun  Fronteira Marítima (FM) iha rai liur, Xefi Negosiador prinsipal ba Delimitasaun FM, Kay Rala Xanana Gusmão, hatete, sei esplika prosesu tomak kona-ba Fronteira Marítima no Greater Sunrise ba povu tomak atu hatene.

“Ha’u sei buka tempu ida, no ha’u sei prepara didiak ho ha’u nia aprezentasaun hotu para imi media no  ema hotu kompriende didiak, no media mos la bele hakerek sala ne’e susar oituan. Tamba ne’e ha’u husu deskulpa loron ruma ha’u sei fo hatene konaba prosesu ne’e, laos nu’udar Prezidenti partidu CNRT, mas  para fo hatene dehan lalaok husi prosesu refere ba povu,”dehan Kay Rala Xanana Gusmão ne’e ba Jornalista sira liu husi Konferensia Imprensa  Domingo (11/03/2019), iha Sede CNRT, Bairo Grilos Dili, hodi responde ba pesoal balun ne’ebé akuza Xanana Gusmão, ba halo fali peregrinasaun iha rai liur.

Nia afirma tan katak, sei esplika liu deit konaba prosesu fronteira marítima ne’e, tamba difisil atu koalia konaba prosesu refere iha ambiente konferensia imprensa ne’e, sei la komprende, tamba nia rasik lori tinan rua mak bele komprende prosesu ne’e.

Hatutan  Xefi Negosiador ne’e, enjeral fronteira marítima, loron tuir mai sei hatene klean,  tamba sa mak prosesu ne’e la’o hanesan ne’e.

“Loron seluk mak ita bele bolu malu, nune’e ha’u halo esplikasaun ho aprezentasaun kedan  nune’e bele kompriende klean, tamba sei parte balun nia provizoria hela, hein ita ho Indonesia halo mudansa, nune’e haree risku Australia nian, no ne’e automatikamente permanente, agora susae atu esplia, tamba ne’e diak liu rai ba loron seluk no hau prepara didiak diak power poin hodi esplika para fo hatene prosesu ne’e ba imi hotu hatene ” akresenta Xanana.

Eis Prezidente Republika, Xanana Gusmão, mos dehan, asuntu FM ne’ebé oras ne’e hetan asina ona husi TL ho Australia hanesan asuntu nasional, laos partidu ida ka rua nian.

Xefi negosiador prinsipal FM ne’e to’o iha Timor-Leste horiseik, hafoin lori vitoria Timor nian iha FM. Xanana Gusmão to’o iha Timor-Leste hanesan heroi ba soberania Timor-Leste nian nune’e simu husi populasaun rihun resin ne’ebé nadodon ba Aeroportu Internasioanl Nicolau Lobato, Comoro, Dili, no akompaña maun boot Xanana Gusmão liu husi kapital Dili hodi ba sede CNRT.

Deside uluk FM mak diskuti GS

Nune’e mos, Xefi Negosiador ba Delimitasaun Fronteira Marítima (FM), Kay Rala Xanan Gusmão, deklara, Fronteira Marítima mak importante liu diskuti uluk hodi termina hafoin bele defini Greater Sunrise ho nia prosesu tomak.

“Se ita taka tiha matan  kontenti no manan tiha ona, ema hadau ita hakfodak ema liu tiha ona, perguntas sira ne’e, iha semana oin mai hau haruka prepara didiak power point hodi esplika lolos konaba prosesu ne’e. La’os koalia ho imi nu’udar prezidenti CNRT, maibe ha’u pessoal aprezenta atu imi haree didiak” akresenta Xefi Negosiador ne’e.

Nia salienta tan , nia hakerek ona surat ba Prezidenti Repulika, Francisco Guterres ‘Lu-Olo’ husu katak lori povu nia naran fo agradese ba advogadu sira ne’ebé defende ita iha prosesu vitoria ne’e, no ba ekipa tomak sira ne’ebé servisu to’o ohin loron Timor hetan vitoria.

“Ha’u nia papel enkoraja no dudu, ne’ebé laos importante, maibe importante liu mak malae sira ne’ebé ajuda ita, tamba ne’e ha’u husu Prezidenti Lu-Olo atu hili momentu ida ne’ebé fo konsiderasaun ba malae sira ne’ebé ajuda ita,”realsa Xanana.Oly/Mia


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker