GMN TV Politika FRETILIN fó votu kontra ba matebian Gil Alves

FRETILIN fó votu kontra ba matebian Gil Alves

0 views

Deputadu sira bankada opozisaun FRETILIN iha Parlamentu Nasionál (PN), fó votus kontra ba matebian eis deputadu Gil da Costa Alves ne’ebé hakotu ona nia is iha loron 17 fulan ne’e, ho votus afavor 46, kontra 2 no abstensaun 7.

Deputadu FRETILIN, Félix da Costa justifika katak, FRETIIN kontra votus pezar ba matebian Gil Alves, ho razaun tanba matebian Gil Alves kontra desizaun indepénsia, durante luta ba libertasaun nasionál.

“Ha’u hatene Gil Alves iha passadu laiha prinsípiu atu defende independénsia ida ne’e,

Nia (Gil Alves) husi organizasaun EPDK no seluktan, tanba ne’e ha’u respeita maioria nia desizaun, no plenária nia desizaun, maibé partikular ha’u nian, ha’u tenki vota kontra, tanba iha 1997, nia (Gil Alves) ba iha Maubara nia hateten, hanesan ne’e, imi ba tuir polítika Xanana ninian ne’e ukun aan para atu han fatuk ho rai-henek ka?, ikus mai kuandu polítika rekonsiliasaun ita konsege alkansa ita-nia objetivu ba independénsia, maun Xanana kaer duni nia (Gil) hodi foti nia sai ministru. Tanba ne’e ha’u la rekoñese nia, ha’u vota kontra nafatin”, esklarese deputadu Félix.

Iha biban hanesan, deputada bankada CNRT, Albina Marçal klarifika, votus pezar ne’ebé Parlamentu fó la’os tanba Gil Alves nia luta ba ukun rasik aan, maibé tanba eis deputadu no eis membru Governu ida, tanba Parlamentu iha dever moral atu bele rekoñese netik nia kontribuisaun durante mandatu ne’ebé Gil Alves assume.

“Ita-nia votus pezar ba saudozu ne’e, tanba ninia pozisaun hanesan deputadu no hanesan mós membru Governu, maibé la haree ba nia funu ka la funu. Ha’u isin fulun hamrik kuandu ha’u rona ita vota kontra ba ema nia mate”, hateten Albina Marçal.

Iha Sesta-Feira semana kotuk, liu husi plenária extra-ordinária, Parlamentu Nasionál fó ona omenazen ba mate isin eis deputadu iha Segunda lejislatura, inklui eis Ministru Turismu no Komersiu industria iha kuartu Governu konstitusionál, Gil da Costa Alves, antes ba haloot iha nia fatin deskansa iha, semitériu jerál Bekusi Bekora.say

 


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker