GMN TV Politika FRETILIN konsidera debate KJE nakonu ho polítika konspirasaun

FRETILIN konsidera debate KJE nakonu ho polítika konspirasaun

0 views

Bankada Frente Revolucionario do Timor-Leste Independente (FRETILIN) konsidera debate Konta Jeral Estadu (KJE), tinan 2017 iha Parlamentu Nasional (PN) nakonu ho polítika ma fé no konspirasaun.

“Ami apresia rekomendasaun sira hotu, maibé ami tristi no preokupa teb-tebes ho debate KJE tinan 2017, tanba nakonu ho polítika konspirasaun no  ma fé maka mosu iha debate ne’e, tanba Governu rekoñese mosu mal administrasaun no jestaun finansas públikas, hahú husi tinan 2017 to’o tinan ne’e”, Xefi bankada FRETILIN, Aniceto Guterres liu husi ninia intervensaun iha debate KJE tinan 2017, iha PN, Segunda (11-03-2019).

Nia esplika, partidu FRETILIN tristi, tanba iha debate KJE tinan 2017 ne’e, fokus ou konsentra liu ba rekomendasaun relatóriu tribunal de kontas ba Reziaun Administrativa Espesial Oe-Cusse Ambeno (RAEOA) no Zona Espesial Ekonómia Sosial Merkadu (ZEESM).

“Tuir loloos fokus liu debate ba KJE tinan 2107, la’os haree fali ba auditoria, la’os ona nia fatin iha ne’e, tanba foin la-lais Prezidenti Tribunal Rekursu (TR), Deolindo dos Santos mós klarifika ona iha PN kona-bá relatóriu refere”, haktuir Xefi bankada FRETILIN ne’e.

Hatán ba kestaun ne’e, Ministra Finansas (MF) Interina, Sara Lobo Brites hateten, VIII Governu konstituisional sei esforsu maka’as hodi hadi’a di’ak liu tan jestaun finansas públika iha futuru.

“VIII Governu konstituisional komprimitidu atu kontinua hala’o reforma iha área reseitas despeza públika, medida polítika ba implementasaun no akomodasaun no rekomendasaun husi PN ho tribunal câmara de contas hodi bele hadi’a di’ak liu tan jestaun finansas públika iha ita nia rai doben”,  klarifika Governante ne’e.

Entretantu iha debate KJE tinan 2017 ne’e bankada AMP mós aprezenta proposta rezolusaun fiskalizasaun espesiál ba orsamentu RAEOA no ZEESM  tinan 2014-2015 no pasa iha PN ho votus a favor 34, maibé bankada FRETILIN maka lakoi vota. ety

 


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker