GMN TV Politika FRETILIN kontra rezolusaun AMP ba fiskalizasaun orsamentu RAEOA-ZEESM

FRETILIN kontra rezolusaun AMP ba fiskalizasaun orsamentu RAEOA-ZEESM

0 views

Bankada Frente Revolucionario do Timor-Leste Independente (FRETILIN), iha Segunda (11/03) ne’e la vota ba rezolusaun ne’ebé aprezenta husi Aliansa Maioria Parlamentar (AMP), ne’ebé husu ba Ministériu Públiku (MP) atu halo fiskalizasaun espesial ba orsamentu Reziaun Administrativa Espesial Oe-Cusse Ambeno (RAEOA) no Zona Espesial Ekonómia Sosial Merkadu (ZEESM) tinan 2014-2015.

Tuir bankada FRETILIN, sira nia razaun la fó votus ba rezolusaun ne’ebé aprezenta husi bankada AMP, tanba Parlamentu Nasional (PN) halo debate ba Konta Jeral Estadu (KJE) tinan 2017, la’os atu ko’alia kona-bá relatóriu husi RAEOA no ZEESM tinan 2014-2015.

Ho pozisaun FRETILIN ninian ne’e, votasaun ba proposta ou rezolusaun ne’ebé aprezenta husi AMP iha loron 11, fulan ne’e pasa ho votus a favor 34 de’it, enkuantu FRETILIN desidi la vota ba rezolusaun refere.

“Ita bainhira debate kona-bá konta jeral Estadu, mosu fali proposta rezolusaun relatóriu faktu husi tribunal câmara de contas nian ka’er fila-fali auditoria seluk kona-bá RAEOA no ZEESM rasik, husu tribunal kontas halo auditoria ba relatóriu agora iha ona tribunal de kontas“, Xefi bankada FRETILIN, Aniceto Guterres liu husi ninia intervensaun iha debate KJE tinan 2017, iha PN, Segunda (11-03-2019).

Nia esplika, relatóriu refere tama ona prinsípiu kontraditóriu ho rekomendasaun sira ne’e, tribunal haruka ona ba RAEOA husu efetivasaun responsabilidade administrativa no finanseira, maski foin la-lais Prezidenti Tribunal Rekursu (TR), Deolindo dos Santos esplika kona-bá relatóriu auditoria husi tribunal de kontas ne’e, maibé deputadu AMP sira kontinua dúvida.

“Ita tama ho rezolusaun ida, prosesu la’o hela, ita hakarak obriga la-lais ona instituisaun MP responsabiliza kriminal, ha’u hanoin ida ne’e ita hakarak halo politíka golpe”, dehan Xefi bankada FRETILIN ne’e.

Husi sorin seluk, Xefi bankada CNRT, Duarte Nunes hateten, AMP aprezenta proposta  rezolusaun ne’e hanesan atu expresa AMP nia hanoin ba instituisaun kompotente, liu-liu ba MP atu buka tuir orsamentu  USD milliaun 240 ne’ebé lakon iha RAEOA no ZEESM, ho nune’e maka AMP husu polítiku na’in sira presiza fó hanoin ba MP buka tuir  orsamentu ne’e.

“Ami nia projetu rezolusaun ne’e, ami temi buat ne’ebé iha KJE, tanba KJE temi prátika mosu iha ZEESM hanesan realidade temi mós osan USD millaun 240 ne’ebé laiha justifikasaun, tanba nia temi iha ne’ebá la rinci ona, hanesan osan sira ne’e gasta ba saida de’it, tanba ne’e ministériu kompetente tenki buka tuir USD millaun 240 laiha justifikasaun no ninia paradeiru laiha”, esplika Xefi bankada CNRT ne’e.

Hatán kestaun hirak ne’e, Ministra Finansas (MF) Interina, Sara Lobo Brites hateten, relatóriu pareser ne’e informa saldo ne’ebé akumula husi RAEOA ho ZEESM ho montante ne’ebé signifikativu hanesan USD millaun 200, maibé la’os saldo ne’e lakon.

“MF sei servisu hamutuk RAEOA no ZEESM, liu husi akordu ne’ebé Primeiru Ministru (PM) sei asina ho RAEOA no ZEESM kona-bá ezekusaun orsamentu, nune’e ita bele tau mekanismu balun hodi bele mellora prosesu sira ne’e”, hakotu Sara.

Antes ne’e komisaun C PN halo ona audensia ho Prezidenti RAEOA, Mari Alkatiri hodi halo klarifikasaun relasiona ho relatóriu tribunal de kontas ninian. ety


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker