GMN TV Politika FRETILIN lamenta Xanana Gusmão hamós valeta

FRETILIN lamenta Xanana Gusmão hamós valeta

0 views

Deputada bankada FRETILIN, Maria Angelica, krítik no lamenta líder karismátiku, Kay Rala Xanana Gusmão mak tun hamós fali valeta wainhira mosu inundasaun.

Deputada Bankada FRETILIN levante asuntu nee iha plenaria bainhira Parlamentu Nasional (PN) halo audensia ho Ministru Obras Publikas, Tersa (19/03) iha Parlamentu Nasional.

Maria Angelica kestiona, tanba sa maka lider karismatik tenki tun fali ba bee laran, ne’e lolos Ministru ho Vise Ministru mak tenki tun hotu ba hamos valeta, laos haruka fali lider karismatik Kay Rala Xanana Gusmão maka tun fali.

“ Tuir los imi rua mos tun hotu, labele husi ita nia lider karismatik ne’e tun mesak, moe ba ita. Imi hanoin ema tau iha facebook ne’e imi kontente ga, ema rai seluk hamnasa, populasaun barak ne’e nusa la tun mais ita nia lider karismatik maka tun fali, ita bo’ot nain rua iha ne’ebé, sorte ADN nian senhor Samuel hamaluk netik katuas, ema barak hamrik hodi nonton, ida ne’e maka imi hakarak halo ga, imi gava katuas Xanana depois imi haruka nia tun ba tahu laran, ida ne’e pesoal hau kontra, hakarak asume kargu politik tenki responsabilidade laos hadau malu kadeira deit,” dehan Maria Angelica iha PN.

Hatan ba lamentasaun nee, Ministru Obras Publika, Salvador Pires,  hatete saida maka Xanana Gusmão halo ne’e Ministeriu Obras Publikas no Governu tomak agradese, tanba Xanana ajuda.

“Ami husi Obras Publika no Governu agaradese ba maun bo’ot nia ajuda no hatudu ezemplu laos dehan buka popularidade, maibe hatudu katak problema lixu ne’e hanesan problema komun ou ita nia hotu, ida ne’e maka ita tenki foti parte positivu husi maun bo’ot hatudu,” dehan Ministru Obras Publiku.

Nunee mos iha audensia nee, bankada FRETILIN halo deklarasaun polítika ida hodi konsidera oitavu governu lao la tuir padraun Planu Estratejiku Dezenvolvimentu Nasional (PEDN) nunee tempu udan mosu inundasaun hodi estraga komunidade sira nia hela fatin.

 “Situasaun ne’ebé husu mai ita ukun nain no desizaun nain sira atu hateke ho haraik an tau netik nuudar preokupasaun ita nian atu konsidera katak ne’e inadmissivel, Inadmissivel tanba, situasaun ida ne’e tuir lolos labele akontese ona karik ita kumnpri padraun hirak ne’ebé regula iha PEDN, karik ita implementa tuir dunik saida mak padraun ne’e husu atu implementa,” dehan Maria Angelica iha PN.

Nia dehan tan iha OJE tinan-tinan aloka osan ka verba atu halo kontrolo de Cheias, iha MOPTC nia mahon, ho objetivo atu hakses komunidade husi desastre hirak ne’ebé preve tiha ona, hanesan Inundasaun, Mota sobu Rai, lori ema nia Uma no seluk tan, maibe tanba sa mak sei akontese nafatin situasaun hirak prejudisial nune’e, tansa mak iha tempo udan komunidade labele deskansa ho hakmatek, hader taru malu fali ho udan no mota.

“Ita halo Esgotu ka Valeta la tuir padraun ne’ebé iha, halo Estrada la hatudu kualidade ne’ebé diak, kualidade katak nu’udar pakote ida deit husi konstrusaun ne’e, Estrada, Esgotu, Kanalizasaun ba Bee mos, linhas ba Poste Rin no sst… la’e hanesan bai-bain ita hare, halo tiha Estrada sobu fali ke fali tan laiha Esgotu ka Valeta, laiha fatin ba Kanalizasaun Bee mos, laiha fatin ba atu hari Postes de Baixa Tensaun,” dehan nia.

Membru lejislativu nee dehan bankada FRETILIN triste, maibe governu sei bele buka solusaun ba problema.

“Bankada FRETILIN triste no lamenta, maibe fiar katak ita sei buka dalan atu fo solusaun ba kausa hirak ne’e, maibe mos tenki ho vontade ne’ebé los no diak, li-liu, ita nu’udar Desizaun Nain iha Uma Fukun ne’e tenki brani no matenek uitoan atu bele hala’o ita nia Knar nu’udar fiskalizador tuir kbit ne’ebé CRDTL fo mai ita, nune’e bele garante kualidade  da obra no responsabilizasaun ba exezusaun ne’ebé tuir standar,” dehan Deputada ne’e.

Hatan ba kestaun ne’e Ministru Obras Publika Salvador Pires hatete iha tinan rua nia laran nasaun infrentra impase politiku, no kuaze tinan rua laiha manutensaun ba infranstrutura bazika inklui drainazen sira.

“Ita bo’ot sira hatene lixu buat sira ne’e iha OJE 2018, ami tau duni osan, ita iha kompañia rua ne’ebé halo hela manutensaun valeta iha Díli laran, kompañia sira ne’e mos halo porfurasaun nune hamenus volume be’e wainhira udan mai,” dehan Salvador Pires.

Governante ne’e hatutan, iha momentu hanesan parte Ministeriu mos ba kedas iha area ponte Komoro ne’ebé lolos komunidade sira labele hela ba, maibe infelismente komunidade sira hari duni uma iha neba, inundasaun ne’e mos laos akontese deit iha timor, maibe akontese mos iha nasaun seluk. Nes


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker