Konsellu Ministru (KM) deside fó poder ba Ministru Obras Públikas, Salvadór dos Reis Pires, atu halo akordu ho Governu Austrália hodi implementa projetu estrada dezemvolvimentu ba faze dala II.
Konsellu Ministru fó kompetensia ba Ministru Obras Publikas atu halo akordu ho Governu Austrália, tamba konsidera akordu nee bele lori benefisiu sosial no ekonomiku ba populasaun iha área rurais liu husi hadia estrada.
“Akordu entre Governu Timor-Leste ho Austrália akordu subsidiariu para halo estrada ba dezenvolvimentu , estrada rurais ninia tuir master plan Governu ninia ba estrada rurais, Konsellu Ministru fó poder ba Ministru Obras Públikas atu asina akordu ho Australia”,dehan Ministru Presidênsia Konsellu Ministru, Agio Pereira ba Jornalista sira iha Palasiu Governu,Tersa (05/03) nee.
Ministru Presidênsia Konsellu Ministru Agio Pereira,esplika programa ne’e husi Governu Timor-Leste ne’ebé inisia iha tinan 2012. Projetu nee ba faze dala II ,programa ne’e sei fo apoiu ba estabelesementu forum interministerial ba estrada, dezenvolve politika estrada rural no implementa sistema padraun dezenhu no konstrusaun estrada rural nian nune’e bele asegura nia kualidade.tos
