GMN TV Politika Opozisaun konsidera Kalbuadi Lay halimar ho PN

Opozisaun konsidera Kalbuadi Lay halimar ho PN

Bankada Opozisaun konsideira Deputadu Francisco Kalbuadi Lay halimar ho segundu orgaun soberanu, Parlamentu Nasional, tanba foin retoma mandatu iha semana liu ba maibe halo viajen ba fali rai liur ona.

Vise Prezidente Bankada FRETILIN, Francisco Miranda Branco hato’o konsiderasaun nee iha Tersa (05/03), iha Parlamentu Nasionál,  tanba deputado Francisco Kalbuadi Lay foin maka retoma mandatu, maibe halo fali ona viajen ba rai liur.

Deputado partido opozisaun nee hatete lalaok sira ne’e infrakeza no halimar orgaun soberanu sira, tuir lolos politiku sira maka responsavel, liu-liu lider sira tenki fortalese tan, tenki hakruk hodi hakbi’it liu tan orgaun soberania nune prosesu konstrusaun Estadu bele forte liu tan.

“ Hau tristeza, tanba ita nia lalaok sira ne’e infrakeza orgaun soberania, ita halimar ho ita nia orgaun soberania sira tuir lolos ami politiku sira maka responsavel liu, liu-liu lider sira tenki fortelese tan, tenki hakruk hodi hakbi’it liu tan orgaun soberania nune ita nia prosesu konstrusaun Estadu bele forte liu tan, maibe ida ne’e la akontese tan no ami prekupadu tebes, lider bo’ot sira maka fo ezemplu ladiak. Tuir lolos sira rasik halo reflesaun hodi husi hahalok diak ba sosiadade bele aprende no lideres politik jerasaun foun nasaun ida ne’e ninian, maibe ida ne’e la akontese,” dehan Francisco Miranda Branco.

Husu kona ba karik Kalbuadi Lay mai Parlamentu Nasional hodi hetan imunidade nune bele lao livre, Deputadu Francisco Miranda Branco hatete ida ne’e mos los, intepretasaun, lojika ba retoma de poder ne’e hanesan ne’e deit hakarak ka lakoi pratika ne’e justifika duni dehan ema nia preukupasaun ne’e los.

“ Ita mai buka imunidade deit atu proteze ita nia an, depois ita bele ba mai lao livre, ida ne’e maka hau nia preukupasaun bo’ot liu ba konstrusaun Estadu Timor- Leste ne’e, tuir lolos akontesementu sira hanesan ne’e ita hadok an tia para labele akontese, maibe triste, tanba realidade ne’e ita hasoru”, dehan deputadu.

Iha fatin hanesan, Deputadu Aderito Hugo hatete kona ba Deputadu Francisco Kalbuadi Lay nebe ba rai liur, tanba ajenda Deputadu sira nian bar-barak labele haree husi ema nia pesoal, tanba ne’e regras normal.

“ Vizita deputadu sira nian ho karakter pesoal ne’e, iha rejimentu hatete nia ba tia depois mai maka halo justifikasaun antesipada no bele halo jusitifikasaun hafoin nia fila, hanesan nia moras karik nia ba konsulta ne’e asuntu – asuntu privadu” , konfirma deputadu Aderito Hugo da Costa.Nes


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker