GMN TV Politika PN aprova lei KAK ho unanimidade

PN aprova lei KAK ho unanimidade

0 views

Parlamentu Nasionál (PN), liu husi plenária Segunda (18/03/2019), diskute no aprova ona lei Komisaun Anti Korupsaun (KAK) iha jeneralidade, ne’ebé propoin husi bankada FRETILIN no Partidu Demokrátiku (PD), ho unanimidade votus a favor 47, kontra 0 no abstensaun 0.

Iha prosesu diskusaun, deputadu husi bankada PLP, Maria Angelina Sarmento, preokupa, tanba tuir nia, iha lei refere seidauk iha artigu ida klaru kona-ba meius intervensaun nian.

Tanba ne’e, lejisladora ne’e sujere ba komisaun A, atu bele halo kompleta lei hirak ne’e, hodi fó kbít ba instituisaun relevante sira hala’o knár ho di’ak liutan.

“Iha projetu lei ne’e barakliu kona-ba medida de presaun, ha’u nia preokuapsan oituan mak iha lei KAK ne’e seidauk introdus medidas prevensaun. Ba ha’u nia haree, importante mós ita atu introdus medida prevensaun nian, tanba kombate korupsaun ne’e prevensaun mós importante tebes. Âmbitu akontese krime korupsaun iha rai laran nomós rai liur, ita-nia problema ida iha Timor-Leste mak, iha rai laran mós ita labele detekta, pior liutan iha rai liur, tanba akontese barak, ema balun rejistu nia patrimóniu iha estranjeiru ne’ebé ita labele detekta. Tanba ne’e ha’u hanoin medidas de prevensaun ida mak bele intodus, no rejistu de bens importante tebes, hodi sukat membru Governu ka funsionáriu, nune’e di’ak tebes atu ita bele haree korupsaun ne’e akontese iha nível ida ne’ebé mak barakliu”, hateten deputa Maria Angelina Sarmento.

Hatán ba asuntu ne’e, deputadu komisaun A, asuntu konstitusionais no justisa, Aniceto Guterres hateten, iha ona Sistema balun ne’ebé serve mós hanesan medidas de prevensaun.

“Hanoin ne’e di’ak tebes, bainhira ita iha ona vontade polítika, no fatór ida seluk kombate korupsaun ne’e, importante liu duke medidas depresivas mak ida medidas preventivas. Iha nível nasionál, ita-nia konstituisaun sira ne’e hatun sistema check and balance, atu forma sistema integridade nasionál ne’e nia implementasaun no aplikasaun ne’e, dala ruma ita kontraria, maibé sira ne’e hotu parte sistema ida ne’ebé halo prevensaun nian. Iha projeitu anterior ne’e, Ida partisipasaun publika ne’e mós serve hanesan medida preventivas, tanba ema hotu senti partisipa, kria kultura anti korupsaun, alende sira bele presta informasaun, nune’e serve mós hanesan medida preventiva”, afirma proponente ne’e.

Preokupasaun kona-bá deklarasaun bens moveis, Aniceto Guterres esklarese, komisaun A sei halo lei ketak ida atu bele halo klaru liu tan kona ba deklasaun patrimóniu nian.

“Lei ida ne’e adianta ona, sei la halo deklarasaun ou halo, maibé nia subar karik nia konsekuensia sei kona iha artigu 21 ne’e, maibé ida ne’e atu hatete ita kompromete katak, tenki iha deklarasaun no lei ida regula nian ne’e tenki iha. Ami komisaun A konsensualmente atu halo mós lei ida kona-ba deklarasaun bens rendimentu ba funsionáriu, parese la’os hotu, maibé nível sira iha ministériu ne’e, ate funsionáriu level 1 mós bele halo deklarasaun, maibé lei ne’e mak sei determina, tanba artigu ida ne’e loke dalan atu iha lei kona-ba deklarasaun bens imoveis”, afirma Aniceto.

Alende ne’e, Prezidente Parlamentu Nasionál, Arão Noe Amaral, mós sujere atu iha lei ida kona-ba deklarasaun bens moveis, nune’e bele identifika lolos nível ida ne’ebé kométe korupsaun, kargu xefia, kargu polítiku inklui funsionáriu públiku.

Enkuantu lei refere sei kontinua diskute espesialidade iha komisaun A, maibé fó oportunidade ba deputadu hotu bele asiste, maibé laiha direitu votu.

Maske nune’e, sei diskute hikas final global ba lei KAK ne’e iha plenária, bazeia ba konkordansia votus ne’ebé unanimidade afavor 47 kontra 0 no abstensaun 0.

Projeitu lei KAK ne’e propoin husi deputadu nain 10 kompostu husi bankada PD no FRETILIN iha Parlamentu Nasionál V lejislatura.say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker