GMN TV Politika PN entrega hikas resposta notifikasaun LAP ba TR

PN entrega hikas resposta notifikasaun LAP ba TR

0 views

Prezidente Parlamentu Nasionál (PPN) Arão Noe Amaral informa,  Parlamentu Nasionál (PN) entrega hika’as ona resposta notifikasaun Lei Atividade Petrolífera (LAP) ba Tribunal Rekursu(TR) atu bele deside.

“Agora ami hein, tanba iha notifikasaun ida mai Parlamentu Nasionál iha Tersa liuba, agora ami halo hela resposta, depois enkamiña ba Tribunal Rekursu kona-ba notifikasaun ida ne’ebé deputadu requerente sira rekere fali ba TR nia desizaun, ne’ebé iha dia 8 liuba deklara katak, lei LAP ne’e la inkonstitusional. Desizaun ne’e mak sira kestiona, tanba ne’e mak ami prepara ona resposta, no orsida ami entrega ona ba TR”, informa Arão Noe ba jornalista iha PN, Sesta (22/03/2019).

Líder másimu V legislatura ne’e haktuir, tuir lei, Tribunal fó tempu ba PN loron lima atu responde, maibé PN konsege responde iha loron tolu, nune’e bele aselera prosesu sosa asaun Shell no ChonocoPhillips, maske laiha impaktu atu sosa antes desizaun final, tanba Governu hakarak iha klareza ba preokupasaun opozisaun nian.

“Tribunal fó ba ami loron lima, nune’e mós loron lima ba Tribunal atu deside, tuir loos loron lima ne’e, sei remata iha Domingu, maibé tanba Domingu ne’e loron feriadu, tanba ne’e ami lakohi dada tempu, maske tuir lei bele adía ba loron Segunda, maibé ami hakarak prosesu ne’e la’o lalais, prosesu ida interesse Estadu nian, ba akizisaun ida, atu sosa asaun husi Shell ho ChonocoPhillips. Tanba ne’e halo desizaun ida lais, no PN halo esforsu másimu,  para nune’e bele hetan desizaun final lalais, para Governu bele halo ezekusaun ho justifikasaun ida klaru”, relata Arão Noe.

Nia esplika, tuir lolos laiha impaktu ida, tanba desizaun ne’e sei iha prosesu rekursu hela, husu aklarasaun, tanba ne’e desizaun seidauk final, lei sei válidu no sei bele uza hela.

PPN ne’e hatutan, PN halo ona esforsu hotu, atu bele aselera sosa asaun ne’e, maibé sei hein desizaun final husi TR, bainhira lakonsege, sei selu multa bazeia ba kontratu ho kompañia sira.

“Molok fulan ida ne’e remata, Governu sei sosa asaun ne’e, hodi autoriza transferéncia hodi komesa sosa asaun, pedidu kompletu ona, akordu mós asina tiha ona, agora falta transferénsia, la presiza ba PN ona no direitamente ba transferénsia de’it ona, tanba antes ne’e ministra finansa halo ona aprezentasaun, falta de’it prosesu administrasaun hodi halo akizisaun. Sei la ezekuta, ita tenki kumpri kontratu, kontratu dehan fim do Marsu ita la selu, komesa dia 1 de Abril ne’e konta ona, hahú selu multa, tanba ne’e PN esforsu másimu los para bele kumpri regras ne’e, tanba ne’e mak ami aselera mezmu Tribunal fó loron lima, ami konklui iha loron tolu para entrega, hodi fó dalan lalais ba Tribunal hodi, foti desizaun, hodi haloos tiha situasaun ida ne’e, para labele hela ho polémika públiku. Ami laiha polémika, maibé públiku halo polémika, Parlamentu hanesan autor ba lei, tenki husu klarifikasaun ba Tribunal, hodi husu desizaun ne’e loloos mak ida ne’ebé, para iha klareza”, katak Arão Noe.

Nia esklarese, tuir loloos interpretasaun husi rezultadu fiskalizasaun ne’e loos hela, maibé hakarak halo aklarasaun, tanba públiku kestiona iha pontu vizaun rua, ema  balun dehan inkonstitusionál hotu, maibé interpreta ami nia inkonstitusional mak artigu 2, kona-ba tratado FM ne’e.

“Maibé atu klareza ita husu fila fali kompeténsia Tribunal, atu deside, loloos ne’e mak ida ne’ebé”, afirma PPN ne’e.

Antes ne’e, deputadu bankada FRETILIN, hatama notifikasaun ba Tribunal Rekursu hodi husu atu halo fiskalizasaun ba alterasaun Lei Atividade Petrolífera ne’ebé promulga ona husi Prezidente Repúblika iha fulan Janeiru liuba, maibé hafoin TR fó rezultadu katak, lei LAP refere konstitusional, no iha de’it artigu ida kona-ba ratifikasaun Fronteira Marítima mak inskonstitusional, bankada FRETILIN kontinua halo notifikasaun hodi kestiona desizaun refere.

Tuir kontratu entre Governu Timor-Leste ho kompañia internasionál Shell ho ConocoPhillips, husi Janeiru to’o Marsu Timor-Leste tenki halo transferensia ona osan sosa asaun nian, bainhira la kumpri mak sei selu multa ba kompañia rua ne’ebé atu investe iha kampu greater sunrise.say


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker