GMN TV Politika PN husu ba PM Taur troka membru Governu rejeitadu

PN husu ba PM Taur troka membru Governu rejeitadu

0 views

Vise Prezidente Parlamentu Nasionál (PN), Luis Roberto, sujere ba Primeiru Ministru (PM), Taur Matan Ruak atu revé lista kandidatu membru Governu sira ne’ebé pendente, atu nune’e labele fó impaktu ba iha prosesu ezekusaun Orsamentu Jerál Estadu nian.

“Polítikamente nu’udar membru PN, sujere presiza hadia buka oinsa para hadia lista, tanba lista nain 9 ne’ebé pendente hela ne’e mak sai impaktu bo’ot ida ba iha Timor, husi komunidade, sosiedade sívil no parte hotu, entaun ha’u fiar katak, Primeiru Ministru mós iha ona hanoin ruma para halo mudansa ba lista naran sira ne’e. Ida ne’ebé mak deskonfia kométe kazu ruma, ha’u fiar katak, bele ba hatan iha ne’eba, bele tau fila fali foun, para bele ezekuta orsamentu ne’e. Ita labele mantein de’it lista nain 9 ne’e, para atu dada naruk impasse polítiku ne’e, tanba impasse polítiku ne’e tanba lista pendente ne’e”, hateten Luis Roberto da Silva ba jornalista sira iha PN, Sesta(02/03/2019) ne’e.

Makse ida ne’e kompetensia PM nian atu hadia lista pendente membru Governu sira ne’e, maibé Tuir deputadu bankada KHUNTO ne’e, bainhira iha mudansa ba lista, maka Xefi Estadu Francisco Guterres ‘Lú-Olo’ sei fó tomada de posse ba membru hirak ne’e, hodi priense ministériu hirak ne’ebé sei mamuk, atu bele hahú ezekuta ona orsamentu jerál estadu tinan 2019 nian.

Lista kandidatura membru governu ne’ebé pendente mak hanesan, Helder Lopes, Sergio Lobo, José Turquel, Virgílio Smith, Jacinto Rigoberto, Tomas Cabral, Amandio Benvides, maibé iha kandidatu nain tolu hanesan, Francisco Kalbuadi Lay, António Verdial, Kay Rala Xanana Gusmão mak rezigna an ona husi lista refere.

Enkuantu pozisaun Governu ne’ebé sei mamuk mak hanesan, Ministériu Finansa, Ministériu Interior, Ministériu Komersiu no Industria, Ministériu Turizmu no Ministériu Saúde, inklui Vise Ministeriu Negosiu Estranjeirus ho Ministériu Planu Investimentu Estratéjiku, Ministériu STATAL no Vise Ministériu Agrikultura no Peskas.say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker