GMN TV Politika Ratifikasaun ba FM, PN seidauk simu dokomentu husi Governu

Ratifikasaun ba FM, PN seidauk simu dokomentu husi Governu

0 views

Prezidenti Parlamentu Nasional (PN), Arão Noe deklara, to’o agora Parlamentu Nasional (PN) seidauk simu dokumentu formal husi Governu kona-bá atu halo ratifikasaun ba tratadu Fronteira Marítima (FM).

Xefi Órgaun Lejislativu ne’e hateten, razaun Governu seidauk aprezenta dokumentu formal ba PN, tanba Governu sei hadi’a lejislasaun balun, atu harmoniza, altera no vinkula área ne’ebé sai ona Timor-Leste nian.

“Maski asina tinan ida ona ho governu Australia, ha’u hein Governu konklui la-lais servisu ne’e, atu nune’e bele aselera ratifikasaun, nune’e ita nia direitu kompletu ona porsentu 100”, Arão Noe ba jornalista sira iha PN, Kinta (07-03-2019).

Nia esplika, ho delimitasaun FM área ne’ebé tama ba Timor-Leste nian tenki proteze, tanba ne’e presiza ajusta lei balun hodi asegura, enkuantu to’o agora Governu seidauk informa mai.

“Kona-bá ratifikasaun liu tiha tinan ida mós laiha problema, tanba asina kontratadu iha nia komprimisu no agora hein entre nasaun rua aserta sira nia programa lejislasaun sira, atu nune’e bele kobre aktividade sira ne’ebé la’o iha área tasi Timor”, tenik Xefi Órgaun Lejislativu ne’e.

Entretantu iha loron 6, fulan Marsu, tinan 2018, Governu Timor-Leste asina akordu kona-bá delimitasaun FM ho eis Ministra Negósiu Estranjeiru Australia, Julie Bishop, iha sede Organizasaun Nasaun Unidas (ONU), Nova Iorke.ety


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker