GMN TV Politika Rezolve problema inundasaun iha Díli, Tinan oin Governu halo uma ba sidadaun

Rezolve problema inundasaun iha Díli, Tinan oin Governu halo uma ba sidadaun

0 views

Primeiru Ministru, Taur Matan Ruak, hatete, Oitavu Governu iha ona planu integradu no tinan oin hahú halo uma ba sidadaun sira atu nune’e bele organizadu, uma ida lábele tabele fali ida nune’e Governu sei organiza.
“Halo re-kualifikasaun sidade Díli, urbanizasaun ne’ebé mais organizadu ami espera katak tinan oin mai ita hahu halo uma ba sidadaun sira atu nune’e bele organizadu, ida ba tabele ida, ita organiza labele,” dehan, Taur Matan Ruak ba jornalista sira hafoin enkontru ho Xefe Estadu Francisco Guterres Lú Olo, iha palasio prezidensial Nicolao Lobato Bairu Pite, Kinta (21/03/2019).
Xefe Governu ne’e mos dehan planu integradu ida, kontrola liu-liu fatin sira nebe’e risku hela iha mota ninin haluha tiha katak kalan toba bee mai lori ne’e hanesan demais, alende bolu antesaun ba populasaun ba risku sira rasik.
Governu mos buka planu integradu ida, hanusa rezolve probelma sira ne’e hotu dalan ida maka buka oinsa maka dezemvolve Munisipiu sira, hodi iha ne’eba labele mai Díli.
Xefe Ezekutivu aprofunda katak aktividade Governu nian nebe’e halo no problema sira nebe iha mak hanesan udan bee sae sobu uma, tanba tinan barak la halo limpeza diak, depois sidade dez-organizadu.
“Ema ida - idak halo nia uma, iha bee dalan mos halo uma, naturalmente nia konsekuensia,” dehan Taur Matan Ruak.
Infelismente Timor Leste laiha problema hanesan iha Indonesia ho Mosambique iha Australia bee sae, maibe, Timor Leste lakon ida mate fó kondolensia ba nia familia.
Aproveita opotunidade ne’e, Xefe Governu husu ba komunidade tomak ajuda atu labele soe lixu arbiru tama iha esgotu sira, bee dalan sira metin tiha be’e halai ladiak, hodi tama fali ita nia uma.
“Ita nudar sidadaun nia kontribuisaun ne’e importante los, Governu esforsu lori sidade ba foho, ida ne’e lae ita nia populasaun lori fali sidade ba foho,” hateten, Xefe Governu.
Nune’e, Xefe Governu dehan ida ne’e problema bo’ot, felismente la lakon bo’ot, kompara ho país sira seluk.
Tau Matan Ruak alerta ba komunidade atu kontinua kontribui oinsa maka sidade mós iha fatin hotu - hotu uma sorin-sorin mos, ne’e importante. Eus


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker