GMN TV Politika Aban Xanana aprezenta koligasaun foun ba PR

Aban Xanana aprezenta koligasaun foun ba PR

0 views

Atu hakotu impase polítiku ne’ebé la’o durante tinan tolu (3) ni-laran no to’o ohin loron seidauk iha serteza nia-laran, aban Sesta (6/3) Prezidente partidu CNRT, Kay Rala Xanana Gusmão sei aprezenta koligasaun foun ba Prezidente Repúblika (PR), Francisco Guterres “Lú Olo”.

“Iha Sesta semana ne’e, Prezidente CNRT hamutuk ho Prezidente partidu no membru sira sei aprezenta koligasaun foun ba PR Lú-Olo. Kona-bá  desizaun ita hein bainhira koligasaun hasoru malu ho Xefe Estadu iha ne’ebá mak sei iha komunikadu, konteúdu husi enkontru ne’e rasik koligasaun foun ne’e buka atu fó resposta líder nasionál sira, hein husi enkontru rasik ne’ebé ita bele dehan pronúnsia husi Xefe Estadu akompañia ho líder nasionál sira hotu. Ami PD hola responsabilidade ba saída maka líder nasional sira husu, ida ne’e hanesan samamentu nasaun ni’an“, Sekretáriu Jerál PD, António da Conceicão “Kalohan” ba jornalista sira iha sede PD, Kolmera-Díli, Kuarta (04-03-2020).

Kalohan akresenta, koligasaun foun ne’e buka atu fó resposta husi sira-nia enkontru ne’ebé realiza iha fulan kotuk ho Xefe Estadu ne’ebé pornúnsia pontu tolu hodi hakotu impase polítiku.

“Maske PD hanesan partidu ki’ik, ami loke de’it dalan, la’ós ami mak determina formasaun koligasaun ida ne’e, maibé tanba vontade di’ak husi CNRT, hodi repoin normalidade situasaun no konfiansa tomak“, tenik Sekretáriu Jerál PD ne’e.

Husi sorin seluk, Xefe bankada CNRT, Duarte Nunes, informa, Prezidente CNRT konfirmadu iha semana ne’e, hasoru malu ho PR Lú Olo.

“Enkontru Xefe Estadu iha semana ne’e, marka prezensa mós husi Prezidente CNRT, Kay Rala Xanana Gusmão, parte koligasaun konfirmadu ona, tanba nia parte husi koligasaun, sé nia la ba koligasaun sei la kompletu.

Koligasaun foun kompostu husi partidu CNRT, PD, KHUNTO, UDT/FM no PUDD ne’e, ofisialmente asina akordu koligasaun hodi forma Governu foun iha loron 22, fulan Fevereiru, iha sede sentrál CNRT, Bairro dos Grilhos-Díli. ety


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker