GMN TV Politika Amu Martinho Gusmão: PR Lú Olo fatal interpreta konstituisaun

Amu Martinho Gusmão: PR Lú Olo fatal interpreta konstituisaun

0 views

Dosente Filozofia Polítika, Amu Martinho Gusmão, hatete, Prezidente Repúblika (PR), Francisco Guterres Lú Olo, fatal interpreta konstituisaun, hodi hanaruk impase polítiku to’o ohin loron, iha ne’ebé implika ba ekonomia no sosial.

“Prezidente Repúblika ninia modo de interpretar da constituição a partir de neútica legal, Prezidente Repúblika foti pasu ida ne’ebé fatal, e to’o ikus mai ha’u rona Sekretáriu Jeral FRETILIN nian sei rekoñese Taur Matan Ruak, sai Primeiru Ministru, oipa ne’e extra konstitusional. Agora atu rekoñese Primeiru Ministru, Taur Matan Ruak ne’e, tenke-ser Aitarak Laran (PR Lú Olo) mak konfirma ka Hali Okos mak konfirma ka BP-7 mak konfirma, tenke-ser klaru. Konstituisaun nia fatin iha rua deit, ida iha Palásiu Prezidensial, ida iha Parlamentu Nasional, fora husi ida ne’e, extra konstitusional, portanto ne’e fatal. Segundu Prezidente Repúblika melanggar artigu 78 inkompatibilidade supervenient..Prezidente devia hala’o nia funsaun nu’udar  Prezidente Repúblika, laós funsaun polítika sira seluk, mas ida ne’e grave, e ba artigu sira seluk konstituisaun nian 79 iha ne’e hatete dehan katak, violasaun klara e grave, ne’e termasuk krime konstitusionál”, dehan Amu Martinho Gusmão, iha Grande Entrevista ne’ebé hala’o iha GMN TV, Bebora, Díli, Kuarta (23/3/2020).

Iha kontekstu oras ne’e dadauk, Amu Martinho Gusmão haree katak,  PR Lú Olo la devia tama ema nia dapur laran.

“La devia-ser mos Prezidente Repúblika, tama ema nia dapur laran. Partidu polítiku ne’e iha ninia autonomia, iha ne’eba hatete katak, persona juridica ipso iuris (Latina). Signifika nia autonomia iha nia uma-laran, Prezidente Repúblika limita nia-an ba iha konstituisaun, partidu ne’eba iha ninia prezidente partidu rasik. Ita iha nasaun ida ne’e, ita opta multipartidarizmu, la’ós partidu úniku. Ha’u haree ida ne’e Prezidente (Lú Olo) ba tabrak tembok. Prezidente laiha razaun”,dehan Amu Martinho Gusmão.

 Entretantu jurista senior Timor-oan, Avelino Coelho, hatete, iha Timor-Leste iha deit mak lei koligasaun para fins eleitorais. No laiha lei ida mak hatete koligasaun para fins de estabelesimento do Governu. “Laiha lei ida ne’e”,dehan Avelino Coelho.

Entretantu jurista senior Timor-oan, Manuel Tilman, hatete, Prezidente Repúblika, Francisco Guterres Lú Olo, labele haluha katak rekomendasaun PR nian mak hamosu koligasaun partidu neen lideradu Kay Rala Xanana Gusmão, hanesan Partidu CNRT, PD, KHUNTO, PUDD, UDT, ho FM.

“Koligsaun ida lidera husi CNRT ne’e, rekomendasaun husi Prezidente Repúblika, Prezidente Repúblika labele haluha ida ne’e, Prezidente Repúblika tem orgão de palavra, labele ba lambe fali dala rua dala tolu. Ne’e duni haree ba situsaun ida ne’e, PR tenke tuir konstituisaun”,dehan Manuel Tilman.

Entretantu portavoz koligasaun partidu neen, António da Conceição “Kalohan”, hatete, koligasaun foun hein PR Lú Olo atu foti desizaun.

“Ami oferese alternativa. Iha kontestasoens neébé mak mosu mai husi PLP dehan katak koligasaun ida neé mos sei la rezolve impase,  sertamente em quanto seidauk iha asaun labele rezolve, so depois de nia toma atuasoens iha ida neé mak ita bele dehan katak atu rezolve impase”,dehan Kalohan.

To’o oras neé dadauk, Partidu FRETILIN ho Partidu Libertasaun Popular hamutuk tiha hakarak ba ho Governu minoritária  karik PR Lú Olo fó ba sira lidera Governu dasia. Maibe iha FRETILIN nia istória forma ona koligasaun minoritária iha tinan 2017 ho Partidu Demokrátiku, iha ne’ebé momentu ne’eba la garante estabilidade Governativa, nune’e ikus mai lori duni programa Governu nian ba Parlamentu Nasional xumbadu tiha no Governu minoritária ne’e monu. Nune’e Primeiru Ministru, iha momentu ne’eba Marí Bin Amude Alkatiri, mos  la hodi tan programa Governu minoritária nian ba segunda vez. Iha fali tinan ida ne’e FRETILIN

Iha parte seluk, partidu asentu parlamentar neen hanesan CNRT, PD, KHUNTO, PUDD, UDT, FM buka malu hamutuk tiha ona hodi atinji maioria parlamentar ho kadeira 34 iha ne’ebé garante ona estabilidade governativa no lori ona koligasaun foun ne’ebé kumpri ona rekezitus konstitusional katak liu ona husi konferénsia no kongresu ne’e hodi indijita Kay Rala Xanana Gusmão nu’udar Primeiru Ministru ba hato’o ba PR Lú Olo, maibe to’o ohin loron karta koligasaun foun lideradu funu nain Kay Rala Xanana Gusmão nian ne’e, seidauk hetan resposta klaru husi PR Lú Olo. Tanba ne’e halo partidu ne’ebé forma koligasaun ho CNRT ne’e preokupadu bainhira mak PR bele pronunsia sai, tanba nia rasik mak haruka ema halo tiha movimentu politiku iha Parlamentu Nasional. GMN


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker