GMN TV Politika Armanda Berta eleita ba Prezidente KHUNTO 2020-2024

Armanda Berta eleita ba Prezidente KHUNTO 2020-2024

Armanda Berta dos Santos kontinua eleita ba Prezidente Partidu Kmanek Haburas Unidade Nasionál Timor Oan (KHUNTO) no Jóse Agostino mós kontinua eleitu hanesan Sekretáriu Jerál ba periodu tinan 2020 to’o 2024.

Iha diskusaun, Prezidente eleita Armanda Berta, hateten, partidu KHUNTO iha inisiu moris, hasoru dezafiu oi-oin, maibe tanba brani no servisu maka’as, nia ezistensia to’o ohin loron no hetan asentu iha Parlamentu Nasionál iha eleisaun jerál 2017 no Eleisaun Parlamentár tinan 2018.

“Durante tinan 10 nia laran, KHUNTO moris hasoriu dezafius, laloran tasi boot, hosi interna no externa, maibe tanba K-RDTL fó garante ba sidadaun hotu-hotu hodi dehan direitu de partisipasaun polítika,

Kbi’it ne’ebé sidadaun ida-idak hetan husi K-RDTL katak, atu halo polítika no halo moris polítika, bele dehan katak direitu de partisipasaun iha vida polítika sai hanesan padraun internasional.

Husi ne’e mak fó kbi’it ba sidadaun hotu hetan kbi’it no knár atu fí liman rohan, halo polítiku no halo moris polítiku nian iha tarfea hotu-hotu.

Tanba ne’e, direitu de partisipasaun ba sistema polítika demokrasia pluralilzmu, tuir ordem global mundial.

Hosi aspetiu polítika sustentavel, sosial no kultura, tenki halai ba formasaun karakteristika, hodi hamrik iha valores mundu rai tomak nian ne’eb’e sei tilun hamoris  no sei kotninua hamoris sosiedade foun, ida Timor-Leste ne’ebé ema hotu-hotu hahí, sai ema ne’ebé loos liu.”afirma Berta iha enseramentu II kongresu Nasionál partidu KHUNTO, iha CCD, Domingu (08/03/2020).

Líderansa KHUNTO ne’e realsa, biban no konfiansa ne’eb’e kuadrsu no militantes fó liuhosi kongresu nasionál ba daruak ne’e, atu kontinua ka’er metin ideolojia polítika partidu ne’ebé hateten, tane o rai, o emar no o lisan.

“Partidu KHUNTO hakarak kuda no hakerek hela ona letra osan mean no osan mutin nu’udar karan la’e ida ba kuadrus polítikus, militantes, simpatizantes husi nasionál no munispál sira. Atu tuba no ka’er mtein nafatin ba ideolojia polítika, ideolojia ne’e, hanesan prinsipiu no dotrina fundamental, hodi hatur mtein nasaun loromatan nakloke nian, hori uluk hori wain kedan, bei-ala sira hahu ho história naruk”,tenik Berta.

Alende ne’e, konselleiru másimu Partidu KHUNTO, José dos Santos Naimori Bucar mós kontinua apela ba foinsa’e partidu Khunto nian, atu kontinua respeita líder nasionál sira, hodi labele trata no ko’alia aat líder sira iha media sosial, liu-liu iha Facebook, tanba líder hanesan Kay Rala Xanana Gusmão, Taur Matan Ruak, Lú Olo, Marí Alkatiri no Lere Anan Timur nu’udar ai-mahon ba jerasaun kontinuadór sira.

Tanba ne’e, líder másimu Partidu KHUNTO ne’e mós husu maun boot sira atu hamutuk, hodi husik hela ezemplu no memoria di’ak ba foinsa’e sira nu’udar futuru nasaun nian.

Entertantu, estrutura foun Partidu KHUNTO ba tinan 2020-2024 mak hanesan, Prezidente Partidu Armanda Berta dos Santos, José Agostino hanesan Sekretáriu Jerál, no primeira vise Prezidente mak Nicolau Freitas, segundu vise, Joaquim Gusmão no terseiru Pedro Reis inklui Silvia Hornai hanesan kuartu vise prezidente partidu KHUNTO nian.

Alende ne’e, primeiru adjuntu sekretáriu jerál José Torquel, adjuntu segundu, Abílio Xavier, no terseiru adjuntu Zeto Patrício inklui Reguna Amaral hanesan adjuntu sekretáriu jerál da-haat.

Ho nune’e, kongresu nasionál daruak Partidu KHUNTO nian ne’e, ensera husi Primeiru Ministru, Taur Matan Ruak.Say


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker