GMN TV Politika Austrália prontu apoiu TL kombate COVID-19

Austrália prontu apoiu TL kombate COVID-19

0 views

Atu kombate coronavirus (COVID-19) iha Timor-Leste (TL), iha Segunda (23/3) ne’e, Embaixadór Austrália ba TL, Peter Roberts hasoru malu ho Primeiru Ministru (PM) Taur Matan Ruak, iha Paláçio do Governo.

Iha sorumutu ne’e, Embaixadór Austrália ba TL ho Xefe Governu ko’alia kona-bá apoiu Governu Australia ni’an hodi kombate COVID-19 iha TL.

Peter Roberts, hateten, governu Austrália nafatin ajuda TL iha setór saúde, relasiona ho pandemia COVID-19 no sei estabelese laboratóriu nasionál ba teste diagnóstiku iha TL.

“Kona-bá coronavirus, Austrália fó asisténsia ona hanesan ekipamentu proteje-an “person of protection equipment” no mós asisténsia ba iha laboratóriu nasionál hodi bele halo teste iha rai-laran no mós fó asisténsia hodi ajuda Governu prepara di-di’ak fatin izolamentu. Agora doutór sira husi Austrália ne’ebé servisu iha laboratóriu nasionál atu suporta iha área tékniku no TL bele halo teste iha rai-laran, agora teste presiza ba Darwin, maibé wainhira prosesu ne’e hotu ona bele teste iha TL no ekipamentu instala ona, maibé agora hein halo verifikasaun ba ekipamentu ne’e la’o di’ak”, Embaixadór Austrália ba TL ne’e.

Diplomata ne’e mós afirma, governu Austrália mós sei fó apoiu solidariedade ba dezastre naturais ne’ebé akontese iha semana hirak liu-bá.

“Relasiona ho inundasaun, ami fó apoiu ba Organizasaun Naun Govermentál (ONG) sira atu ajuda protesaun sivíl no fornese sasan umanitáriu no ami mós apoiu posu bee-mós ijiene no rekonstrusaun ho fundus governu Austrália ni’an ba ema ne’ebé afeta inundasaun”, tenik Peter Roberts.

Entretantu tuir dadus mundiál, totál ema ne’ebé infetadu COVID-19 hamutuk 341,560, husi númeru ne’e mate hamutuk 14,748 no ema hirak ne’ebé konsege rekopera husi COVID-19 hamutuk 99,040. san


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker