GMN TV Politika FRETILIN husu Governu kombate krime ne’ebé hamoe TL

FRETILIN husu Governu kombate krime ne’ebé hamoe TL

0 views

Iha selebrasaun loron nasionál veteranu ba datoluk, bankada FRETILIN husu governu atu kontinua asegura naran di’ak Timor-Leste (TL), hodi kombate tentativa no prátika oi-oin ne’ebé  atu hamoe nasaun, liu-liu tráfiku umanu, drogas no brankeamentu kapitál.

Alende ne’e, FRETILIN mós husu sidadaun hotu, atu fó onra ba veteranu sira hotu nia luta ba libertasaun nasionál.

“ Veteranu nu’udar patrimóniu Estadu nian, no riku soin povu nian, ita presiza hahí sira, fó onra ba sira-nia kontirbuisaun, ba luta libertasaun da pátria ida ne’e, tempu ida ne’e mós atu ita hotu, sidadaun hotu, kontinua hamorin naran veteranu nian, nu’udar patrimóniu no rikusoin povu nian, no hamorin liutan ita-nia nasaun doben Timor-Leste, iha momentu ne’e, TL presiza mós halo reflesaun, hodi hadook aan husi tentativas krime organizadus ne’ebé atu hafo’er ita-nia nasaun, hodi uza TL hanesan fatin ba tráfiku drogas, tráfikus humanus no prátikas krime sira seluk, hanesan brankeamentu kapital, fase osan. Tanba ami ko’alia ho maluk balun hateten katak, brankeamentu kapitál ne’e di’ak atu fó impulsu ba dezenvolvimentu nasaun nian, maibé ida ne’e akontese iha tempu uluk, dekade uluk nian, maibé ohin loron brankeamentu kapitál ne’e, krime ida ne’ebé ita presiza haree, hanesan mós falsifikasaun osan, tanba prátika sira ne’e atu hamo’e de’it nasaun nia naran, iha mundu internasionál. Tanba ne’e husu ba governu atu toma medidas hodi hapara prátika sira ne’e, sidadaun hotu-hotu atu hamutuk ho governu kombate krime hotu-hotu, ne’ebé atu hamo’e ita-nia nasaun nia naran TL”, hateten vise Xefe bankada FRETILIN, deputadu Francisco Miranda Branco liu husi deklarasaun bankada, iha plenária, Segunda (02/03/2020).

Reprezentante povu ne’e mós ezije governu atu halo prevensaun ho sériu ba kazu coronavírus ne’ebé mundu tomak sai preokupadu loos, nune’e bele assegura povu doben Timor-Leste husi vírus aat ne’e.

“Iha patriota TL nia responsabilidade, tenke hamorin nafatin TL nia naran, ita-nia veteranu sira-nia naran. Iha tempu ne’ebé ita selebra loron nasionál veteranu sira nian, tenke hamorin nafatin naran veteranu nian, nu’udar patrimóniu Estadu nian, no rikusoin ita hotu nian. Hanesan vírus sira ne’ebé presiza prevene, liu-liu vírus sira ne’ebé bele destrói nasaun, hanesan coronavírus. Husu ba governu atu kria imediatamente sentru emerjensia atendimentu ba kazu coronavírus ne’e iha ita-nia país ne’e. Tanba ita haree mundu tomak preokupadu loos, maibé ita-nia governu la preokupa ho vírus ida ne’e. Ami mós husu média hotu atu iha espasu informasaun ba asuntu ida ne’e, liu-liu informasaun prevensaun hodi kontra coronavírus ne’e, hodi informa ba ita públiku, kona-bá konsekuensia husi coronavírus ne’e, atu nune’e ita-nia sosiedade tomak bele hatene. Tanba ne’e, husu povu doben TL hotu, ho selebrasaun loron nasionál veteranu ne’e, atu hadook aan husi prátika vírus oi-oin ne’ebé temi ona”, tenik Branco.

Alende ne’e, deputadu Noe da Silva ‘Buka Tuir’ mós husu governu, atu iha selebrasaun loron nasionál veteranu ne’e, atu kontinua verifika dadus veteranu, no buka tuir veteranu ne’ebé lakon iha funu to’o agora família seidauk hatene paradeiru loloos.

“Ami husu ba governu se bele karik prosesu verifikasaun ba ita-nia dadus veteranu sira ne’e tenke la’o nafatin,  tanba ita haree, iha 2019 ne’e, ita halo tiha ona verifikasaun, maibé iha 2020 ne’e paradu tiha fali, tanba ne’e husu para atu kontinua fali, nune’e husu mós ba governu atu buka tuir ita-nia veteranu sira ne’ebé mak lakon ne’e, tinan-tinan ita komemora hela de’it loron veteranu nian, maibé veteranu barak sei lakon”, sujere Buka Tuir iha plenária ne’e.

Entertantu, iha selebrasaun loron nasionál veteranu loron 03 fulan Marsu tinan 2020 ne’e ba dala tolu.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker