GMN TV Politika FRETILIN preokupadu koligasaun AMP hodi temi Calistro Gonzaga

FRETILIN preokupadu koligasaun AMP hodi temi Calistro Gonzaga

Vise xefe bankada Fretilin, deputadu Francisco Miranda Branco deklara, Prezidente partidu CNRT, Kay Rala Xanana Gusmão ne’ebé indijita husi koligasaun AMP foun, seidauk bele ka’er governu, tanba persiza hatán lai ba Tribunal, ligadu ho kazu Calistro Gonzaga nian.

“Sira avansa tiha ona ho PM indijitadu, maibe ita labele haluha katak kazu komandante polísia investigasaun Calistro Gonzaga ne’ebé hetan ona sentensa ikus liu husi Tribunal, bainhira Tribunal deklara PM indijita mak organiza buat hotu-hotu, agora tempu para ba investigasaun hodi hatan lai ba Tribunal. Ami husu ho respeitu tomak, ba instituisaun judisiais sira, atu bele inisia ona kumprimentu ba situasaun ida ne’e, liu hosi konkluzaun ne’ebé tirbunal superior fó sai tiha ona. Ami hanoin ita tenke haree didi’ak ba ida ne’e, tanba se ita haree ba méritu, nia kazu ida sei iha prosesu hela, laiha méritu atu sai PM. Ita nia maun boot hotu, maibe ita nia nasaun ne’e mak direitu demokrátiku, ne’e duni ba responde lai ba situasaun ne’e mak koligasaun hili atu sai PM.” Hateten Branco ba jornalista sira iha PN, Kuarta(25/03/2020).

Aleinde ne’e, deputadu opozisaun ne’e mós ejize PN atu hasai ona imunidade ba deputadu PD António da Conceição.

“ Portavoz koligasaun foun nian mós ami ejize ba PN atu hasai ona nia imunidade. Tanba pedidu tribunal nian tama ona desde 13 de Marsu, maibe to’o ohin loron seidauk hasai nia imunidade, entaun ansi ida nene’e ba saida nian, atu subar iha imunidade nia okos ka saida, tanba Sr.António da Conceição iha pedidu ba imunidade husi Tribunal, nia prosesu tama tiha ona,”tenik deputadu Fretilin ne’e.

Hatán ba asuntu ne’e, portavoz AMP foun, deputadu António da Conceição Kalohan afirma, Tribunal mak iha kompetensia atu pronunsia, la’os partidu ne’ebé iha interese ba ukun hanesan.

 “Ne’e la’os pronunsia partidu rua ne’ebé mós mak hakarak ka’er ukun, ne’e so tribunal mak iha kompetensia atu ko’alia, nem PR mós iha kompetensia atu ko’alia ida ne’e, bainhira atu pronunsia buat ruma. Hau nia imunidade la presiza sira husu, tanba hau husu rasik dala rua tiha ona, hau nia pedidu voluntariu ne’e haruka dala rua tiha ona, ne’eduni sira (Fretilin/PLP) labele kestiona, labele polítiza buat sira ne’e. Ne’e tribunal mak bele ko’alia, la’os bankada deputadu sira mak ko’alia, sira ne’e hotu la’os anju, maibe iha ukun iha responsabilidade. Tanba ne’e mak ba hau la presiza sira hasai, hau nia pedidu voluntariu dala rua ona husu rasik ba tibunal, hau nunka ses, hau responsabiliza tanba ukun, la’os tanba iha kotuk-kotuk mak foti osan. Ligadu ba Baucau, hau ba ne’e absolvidu, ne’e para imi hatene, katak foos ida faan ne’e la’os faan tanba hau nia interese, maibe ba interese populasuan hodi salva povu suku 6 iha Vemase. Ne’e mak aktu polítik ne’ebé ligadu ba hau nia ukun, ida agora dadaun ne’e mak kona-bá mákina ne’ebé sei trankadu hela ne’e, tanba deit iha manobra. Sira mak sai fali tribunal ona mós bele ba cek iha ne’eb’a, sasán sira ne’e iha kala’e, hau ba tribunal ne’e ba tiha ona, la presiza tan atu polítiza situasaun,”argumenta deputadu PD ne’e.Say


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker