GMN TV Capital Governu garante importasaun esensial durante Estadu Emerjénsia

Governu garante importasaun esensial durante Estadu Emerjénsia

0 views

Governu liu husi Konsellu Ministru (KM), Kuarta (25/03/2020), aprova rezolusaun hodi garante kontinuidade importasaun esensial nian durante Estadu Emerjénsia.

Ministru Kordenadór Asuntu Ekonomia (MKAE) Interinu, Fidelis Leite Magalhães, hateten, Konsellu Ministru (KM), aprova rezolusaun hodi garante kontinuidade distribuisaun ba fornesimentu, sasan esensiais, alimentasaun no medikamentus, durante tempu krize no tempu Estadu emerjénsia.

“MKAE, aprezenta proposta rezolusaun iha konsellu ministru kona-ba, polítika hodi redus impaktu negativu, ba ekonomia durante tempu krize, no tempu Estadu emerjénsia iha faze rekuperasaun, sé bainhira ita tama iha emerjénsia tamba COVID-19,”

Lia hirak ne’e hato’o husi, Ministru Koordenador ba Asuntu Ekonomia Interinu Fidelis Leite Magalhães, iha Centro Convensoens Díli (CCD).

Fidelis esplika, dokumentu ne’e nia konteudu fahe ba 2, primeiru medida ne’ebé governu sei hola iha tempu util, bainhira iha tempu emerjénsia iha, medidas saida mak governu sei hola, medidas hirak ne’e aprova husi Konsellu Ministru, sei garante kontinuidade distribuisaun ba fornesimentu, sasan esensiais sira, no hahan, alimentasaun, medikamentus klinika nian.

Fidelis aprofunda liutan, Governu sei garante durante tempu krize, no durante faze rekuperasaun, governu esforsu sei garante ligasaun ba liur, aviasaun no maritima, ida ne’e importante atu asegura lori medikamentus emerjénsia, aimoruk sira mai, no lori teste sira ba iha rai liur, sei lori espesialista sira mai wainhira Timor-Leste presiza.

“Ida ne’e ita sei mantein ligasaun aero nian ba liur, ministeriu kompotenti sei defini, hodi identifika ligasaun ne’ebé diak liu, no ida ne’ebé mak ita presiza liu, governu mos sei prepara medidas atu haree kontinuasaun ba ligasaun ida ne’e, sei haree transporte maritima nian atu bele lori, kontainer no sasan sira ne’ebé presiza iha tempu emerjénsia”, tenik, Fidelis.

Fidelis subliña, governu mos ohin haree sé wainhira emerjénsia,  oinsá mak garante bee mos, eletrisidade, dalan oinsá governu bele komunika ba sidadaun sira liu husi liñas, Timortelecom, Telcomsel, Telemor, buat hirak ne’e presiza medidas preventive.

Konsellu ministru aprova katak sei hatur medidas nesesarias wainhira tempu krize ida mosu.

Governante ne’e afirma, governu sei haree mos atu oinsá bele apoiu, seitor privadu no sidadaun sira, durante tempu emerjénsia liu-liu faze rekuperasaun, sé iha surtu ruma karik iha Timor-Leste, oinsá governu bele ajuda sidadaun no seitor privadu sira, bele rekupera fali ekonomia família r, hodi bele hetan fali nesesidade bazika iha família .

Insentiva seitor privadu sira hodi bele moris fila fali hafoin ita ultrapasa situasaun emerjénsia ida ne’e.

“MKAE atu koordena preparativus no intervensaun governu nian iha seitor ekonomiku, hodi antisipa surtu ne’ebé iha, hodi hanoin no tau planu ba rekuperasaun sei mosu, sé bainhira iha situasaun emerjénsia ita la paniku tun sae, tamba kada ministeriu iha ona planu ne’ebé define ona”, afirma, Fidelis.Cin


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker