Governu liu husi Konsellu Ministru (KM), halo alterasaun ba lei númeru 13/2009 ne’ebé haree liu ba Orsamentu no Jestaun Finanseira (JF).
Ne’ebé aprezenta husi, Ministra Finansas Interina, Sara Lobo Brites, proposta ne’e haree mós, ba rejime duodesimál, presiza halo esepsaun ba régra, atu nune’e labele difikulta Estadu.
Ministru Estadu Prezidénsia Konsellu Ministrus, Agio Pereira hateten, prostaposta alterasasun ba lei númeru 13/2009 loron 21 Outobru, kona-ba Orsamentu no Jestaun Finanseira (JF).
“KM simu proposta lei ne’ebé aprezenta husi Ministra Finansas, proposta alterasaun dala tolu ba lei númeru 13/2009, 21 outobru, kona-ba jestaun finanseiru, proposta ne’e haree ba rejime duodesimu oras ne’e ita atravesa, presiza halo exepsoens regra, se lae ita hetan situasaun ne’ebé bele, difikulta Estadu, exemplu bainhira Timor-Leste atu selu aluger embaixada sira, iha rai liur laiha esepsaun selu ladiak,” hateten, Ministru Estadu Prezidénsia Konsellu Ministrus, Agio Pereira, iha Palasiu Governu, Kuarta (11/03/2020).
Governante hatutan, Konsellu Ministru aprova duni alterasaun lei ne’e, no sei lori ba Parlamentu Nasional(PN) hodi hetan konsiderasaun, hafoin haruka ba Prezidente Repúblika (PR).
Antes ne’e, Ministra finansas Interina Sara Lobo Brites informa, Governo sei halo revizaun ba Lei Orsamentu no Jestaun Finanseira artigo 31, rejime duodesimal, hodi fasilita Governo atu selu despezas públikas.
Ministra Finansas mós, simu orientasaun husi Xefi Governu, atu husu ba Parlamento Nasionál, hodi halo levantamentu ba fundo Petrolíferu.Cin
