GMN TV Politika KHUNTO realiza II kongresu nasionál, Naimori: Juventude tenke hakruk fó onra ba líder nasionál

KHUNTO realiza II kongresu nasionál, Naimori: Juventude tenke hakruk fó onra ba líder nasionál

0 views

Partidu Kmanek Haburas Unidade Nasionál Timor Oan (KHUNTO) realiza II kongresu nasionál hodi hili estrutura foun hodi responsabiliza misaun no vizaun partidu ba tinan 4 nia laran, hahú husi tinan 2020-2023.

Iha diskursu, Konselleiru partidu KHUNTO, José dos Santos Naimori Bucar, husu militante no juventude Partidu KHUNTO atu respeita no kontinua hakruk ba líder nasionál sira, tanba líder sira nia sakrifísiu mak ohin loron Timor-Leste bele moris rasik ho independénsia.

Nu’udar mós mahon ida ba juventude sira futuru nasaun nian, tanba presiza banati tuir luta ne’ebé iha.

“KHUNTO mós atu aprende di’ak liutan, mai hosi ita-nia maun sira, oras ne’e sira sei iha mak ita-nia maun Xanana, maun Ramos Horta, Maun Alkatiri, Maun Taur Matan Ruak ho ita nia maun Lere Anan Timur. Sira ne’e sai abut ba rai ida ne’e, sira ne’e mak sai mata dalan ba rai ida ne’e, sira ne’e mak ita dehan, maun mós mak sira, aman no avó mós mak sira, laiha ema ida tan ona, sira (líder nasionál) ita tenke rona, no ita tenke hakruk ba sira, tanba sira nia luta no lori sira nia matenek no lori sira nia pasiensia mak ohin loron ita mo bele sa’e iha palku polítiku, ne’e la fasil. Ne’e mak ha’u hakarak konvida, liu-liu militante Partidu KHUNTO nian, tau imi nia aan nu’udar juventude ida ne’ebé di’ak, prepara aan ho di’ak, loron ida povu bele fó fiar imi (juventude) mós bele sai lideransa ida di’ak hodi serví nasaun no povu ida ne’e.”hateten Naimori iha kongresu nasionál ba daruak ne’e, iha CCD, Sesta (06/03/2020).

Naimori afirma tan, lideransa ne’ebé di’ak, lideransa ida ne’ebé prontu rona ema seluk nia hanoin ne’ebé krítiku, haraik aan no hako’ak ema hotu, la’os foti aan.

“Lideransa la mai hosi ema matenek de’it, lideransa mós la mai hosi ema riku de’it, lideransa mai hosi ema nia hahalok rasik, ema nia komportamentu mak lori nia atu sai lideransa iha kualker fatin ne’ebé de’it.

Ema ne’ebé sai lideransa, tenke respeita, tenke rona, no tenke simu ema seluk nia opiniaun no krítiku, inklui tenke komprende mós lei oituan, atu nue’e bele sai lideransa ida ne’ebé para bele hako’ak ema hotu-hotu.

Dalaruma ema hotu hakarak sai lideransa, maibe lideransa ne’e la fasil, liderans apresiza ema hotu tenke hakmatek no pasiensia, atu nune’e ita bele hetan lideransa ne’e sei la’o neneik mai ita.”subliña Bucar.

Iha fatin hanesan, Prezidente Parlamentu Nasionál, Arão Noe de Jesus Amaral, bainhira abertura kongresu KHUNTO nian ne’e, hateten, ezisténsia partidu laiha inimigu, maibe iha de’it mak adversáriu, tanba ne’e, KHUNTO tenke kontinua buras ho paz no estabilidade, hodi garante unidade nasionál.

“KHUNTO mós atu aprende di’ak liutan, mai hosi ita-nia maun sira, oras ne’e sira sei iha mak ita nia maun Xanana, maun Ramos Horta, Maun Alkatiri, Maun Taur Matan Ruak ho ita nia maun Lere Anan Timur. Sira ne’e sai abut ba rai ida ne’e, sira ne’e mak sai mata dalan ba rai ida ne’e, sira ne’e mak ita dehan, maun mós mak sira, aman no avó mós mak sira, laiha ema ida tan ona, sira (líder nasionál) ita tenke rona, no ita tenke hakruk ba sira, tanba sira nia luta no lori sira nia matenek no lori sira nia pasiensia mak ohin loron ita mo bele sa’e iha palku polítiku, ne’e la fasil. Ne’e mak ha’u hakarak konvida, liu-liu militante Partidu KHUNTO nian, tau imi-nia aan nu’udar juventude ida ne’ebé di’ak, prepara-an ho di’ak, loron ida povu bele fó fiar imi (juventude) mós bele sai lideransa ida di’ak hodi serví nasaun no povu ida ne’e,”dehan PPN Arão Noe.

Iha II kongresu nasionál Partidu KHUNTO ne’ebé sei hala’o durante loron tolu, (06-08/3/2020), ne’e, partisipa mós líder nasionál na’in rua, Marí Alkatiri ho José Ramos Horta, inklui líder partidu polítiku sira ne’ebé hetan asentu iha Parlamentu Nasionál, hanesan FRETILIN, PD, PUDD, UDT, Frenti-mudança inklui CNRT.Say


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker