GMN TV Politika Koligasaun foun entrega ona rezultadu konferénsia ba PR ■Indijita Xanana ba PM

Koligasaun foun entrega ona rezultadu konferénsia ba PR ■Indijita Xanana ba PM

0 views

Koligasaun foun ne’ebé lidera husi partidu CNRT, iha Tersa (10/03), entrega ona karta rezultadu ba Gabinete Prezidensia Repúblika (PR), hodi aprezenta rezultadu konferénsia partidária sira nian ne’ebé hala’o ona. Iha karta ne’e mós mensiona kona bá koligasaun foun indijita Prezidente Partidu CNRT, Kay Rala Xanana Gusmão, atu asume  pasta nu’udar Primeiru Ministru (PM).

Portavoz koligasaun foun, atuál Sekretáriu  Jeral  Partidu Demokrátiku (PD), António da Conceição “Kalohan” hatete, koligasaun foun ne’ebé forma husi  partidu neen mak hanesan, CNRT, PD, KHUNTO, PUDD, UDT no Frenti Mudança,  haruka ona karta rezultadu konferénsia ne’ebé partidu ida-ida halo ona ba Prezidente Repúblika, atu Xefe Estadu bele marka data hodi hasoru malu ho koligasaun foun ne’e.

“Prezidente CNRT, maun bo’ot Kay Rala Xanana Gusmão, depois iha dia 6 liu ba, mai hasoru malu ho  Prezidente Repúblika, hodi aprezenta koligasaun, ami fila kompleta ona rekezitus ne’ebé mak Prezidente Repúblika husu, liu-liu ligadu ba konferénsia kada Partidu Polítiku nian, tanba hahú kedan iha loron 7 to’o loron 8 ne’e, partidu neen submete ona konferénsia, mak ohin (horiseik),  pedidu audiénsia ba señor Prezidente Repúblika, hodi konfirma dala ida koligasaun ninia disponibilidadede atu forma novo governu kontitusional ninian”,dehan Kalohan ba Jornalista sira Tersa (10/03/2020), hafoin entrega karta ba Gabinete Prezidensia Repúblika, iha Palásiu Prezidensial Nicolau  Lobato.

Nia haktuir, iha karta ne’e espesifikamente temi ona kona-bá, koligasaun foun indijita Kay  Rala Xanana Gusmão nu’udar Primeriu Ministru ba governu  dasía.

Kalohan subliña, Prezidente sei foti desizaun ne’e, tanba ne’e labele antesipa saida mak Prezidente hakarak atu foti, maibé nafatin iha kontestu ida ne’ebé situasaun atual  obriga, atu koligasaun foun ne’e mosu aprezenta nu’udar alternativa hodi fó solusaun ba impase polítiku.

“Portantu ho objetivu ida ne’e, finalidade ida ne’e nafatin, maka koligasaun ne’ebé mak lideradu husi  maun bo’ot Kay Rala Xanana  Gusmão, ohin  (horesik),  mai konfirma pedidu segunda audiénsia ho Prezidente Repúblika, no konfirma ona katak, ami iha ona Primeiru Ministru ne’ebé mak indijitadu, realizasaun ne’e depende ba señor Prezidente Repúblika mak pronunsia,  ohin ne’e (horseik),  ami mai husu audiénsia, maibé konfirmasaun data enkontru hein husi Xefi Estadu”, hatutan Kalohan.

Nia salienta, koligasaun anterior la eziste ona, tanba ba rejista iha tribunal loron 30, depois sira tenke ses aan, entaun  koligasaun  anterior remata ona, no laiha dupla koligasaun.

“Laiha nesesidade atu halo kongresu hamutuk,  ne’e  la’os  ba aprezenta fila-fali lista deputadu, ida ne’e atu iha deit nesesidade iha akordu intendimentu polítiku hodi halo fali formasaun ba  governu”, tenik António.oly


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker