GMN TV Politika Koligasaun foun hasoru PR Lú Olo ■ PM Taur agradese

Koligasaun foun hasoru PR Lú Olo ■ PM Taur agradese

1 views

Prezidente Partidu CNRT, Kay Rala Xanana Gusmão, Sesta (6/3/2020) ne’e lidera koligasaun foun ne’ebé kompostu husi CNRT, PD, KHUNTO, Frenti Mudança, UDT no PUDD, hasoru Prezidente Repúblika (PR), Francisco Guterres Lú Olo, hodi koalia kona-bá formasaun Governu da-sia ho nia lalaok tomak.

Koligasaun foun lideradu funu na’in Kay Rala Xanana mak hasoru duni PR Lú Olo, entaun hanesan primeira vez, hafoin impase polítiku ne’ebé la’o ona to’o ohin loron. Tanba antes ne’e, líder máximu rezisténsia Xanana Gusmão  nunka hasoru PR Lú Olo, maibe halo korespondensia ba malu deit liu husi karta.

“Iha Sesta semana ne’e, Prezidente CNRT hamutuk ho Prezidente partidu no membru sira sei aprezenta koligasaun foun ba PR Lú-Olo. Kona-bá  desizaun ita hein bainhira koligasaun hasoru malu ho Xefe Estadu iha ne’ebá mak sei iha komunikadu, konteúdu husi enkontru ne’e rasik koligasaun foun ne’e buka atu fó resposta líder nasionál sira, hein husi enkontru rasik ne’ebé ita bele dehan pronúnsia husi Xefe Estadu akompañia ho líder nasionál sira hotu. Ami PD hola responsabilidade ba saída maka líder nasional sira husu, ida ne’e hanesan samamentu nasaun ni’an“, Sekretáriu Jerál PD, António da Conceicão “Kalohan” ba jornalista sira iha sede PD, Kolmera-Díli, Kuarta (04-03-2020).

Nune’e mos, Primeiru Ministru (PM), Taur Matan Ruak, agradese no fó kongratulasaun ba koligasaun foun ne’ebé lidera husi Partidu  CNRT, hodi forma fali governu foun atu hakotu impase polítiku rai-laran.

“Ha’u kongratula koligasaun foun ne’e, ha’u espera katak, sira bele hametin, konsolida  kria pasu foun  ka fó dalan ba pasu foun ba oin.  Ita presiza iha orsamentu, programa no atividade  tenke la’o, no ita labele kontinua ho duodésimu ne’e nafatin de’it, ne’e ha’u nia  preokupasaun”,katak Taur Matan Ruak, hafoin remata enkontru semanal ho Prezidente Repúblika, Francisco Guterres Lú Olo, iha Palásiu Prezidensial Nicolau Lobato Bairo Pité, Díli, Kinta (5/3/2020).

Alen de ne’e, koligasaun foun ne’ebé lidera husi partidu CNRT ne’e,  asina ona akta koligasaun iha loron 22 fulan Fevereiru tinan 2020, ho partidu sira ne’ebé hetan asentu iha  Parlamentar hanesan KHUNTO, PD, PUDD, UDT no Frenti Mudança.oly

 

 


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker