GMN TV Politika Kombate COVID-19, Maria : Presiza foti tan osan husi American Federal Bank

Kombate COVID-19, Maria : Presiza foti tan osan husi American Federal Bank

0 views

Vise Prezidente Parlamentu Nasionál (PN), Maria Angelina Sarmento, informa, presiza hato’o pedidu levantamentu adisionál ba American Federal Bank, hodi transfere osan mai Banco Central Timor-Leste (BCTL), hanesan osan rezerva atu kombate coronavirus (COVID-19).

“Banco Central Timor-Leste (BCTL) ho Ministério Finanças (MF) mak pronúnsia katak, di’ak liu mak ita halo pedidu levantamentu adisionál tán ba American Federal Bank, hodi transfere ka transporta osan ne’e mai BCTL nu’udár rezerva de’it, tanba iha Amérika mós aplika ona lockdown, sei la fásil atu transporta osan mai Timor-Leste tuir períodu normal, osan millaun USD100 ne’e nu’udár rezerva ba Timor-Leste bainhira hasoru situasaun difísil COVID-19”, Vise Prezidente PN ne’e ba jornalista sira, Díli, Domingu ne’e.

Membru komisaun C (Finansas Públika) ne’e akresenta, ho levantamentu osan rezerva refere, karik hasoru situasaun urjente la presiza rekere ba American Federal Bank, hodi transfere mai.

“Kuandu Timor-Leste presiza urjente, ita la presiza rekere ona ba banku iha Amérika, mais osan rezerva iha ona Timor-Leste no la difikulta ona prosesu”, tenik Maria.

“Proposta adisionál husi Governu ne’e, nesesáriu atu halo reforsu ba kofre Estadu. Prinsipalmente ho situasaun urjente hanesan agora no liu-liu tanba mundu hotu ameasa ho virus globál ida ne’e no halo lockdown iha fatin hotu, liu-liu iha Estadu Unidus Amérika (EUA). Pedidu atu halo levantamentu ba fundu petrolíferu ba Parlamentu Nasionál (PN) ho karákter urjénsia, ho totál millaun USD250 ne’e ninia objetivu mak atu halo reforsu ba kofre Estadu ba fulan Abríl bá oin, hodi finánsia mákina Estadu liu husi orsamentu duodésimu, tanba Timor-Leste seidauk iha Orsamentu Jerál Estadu (OJE). Orsamentu millaun USD250 ne’e seidauk prevé nesesidade sira hanesan kombate no prevene COVID-19, inundasaun no Estadu Emerjénsia, tanba montante ne’ebé Governu sei gasta iha fulan hirak tuir mai ne’e, sei bazeia de’it ba rejime duodesimál artigu 31, husi Lei Orsamentu no Jestaun Finanseira (LOJF) katak, kuandu orsamentu jerál ida seidauk iha, uza osan duodesimu ne’e bazeia ba montante husi orsamentu tinan anteriór ni’an mak fahe ba fulan 12”, esplika membru komisaun C iha PN ne’e.

Entretantu pedidu levantamentu no proposta adisionál ne’e sei debate iha faze jeneralidade no espesialidade, sei halo loron ida de’it, iha Segunda lokraik, nune’e mós sei aplika loron ida de’it hodi halo debate no aprovasaun final globál. Ety


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker