GMN TV Politika Kontinua akontese inundasaun iha Díli, KHUNTO konsidera MOP laiha kapasidade

Kontinua akontese inundasaun iha Díli, KHUNTO konsidera MOP laiha kapasidade

Reprezentante povu iha uma fukun Parlamentu Nasionál (PN), liu-liu deputada KHUNTO, Olinda Guterres, konsidera, Ministru Obras Públika (MOP) laiha kapasidade, tanba la fó resposta di’ak ba preokupasaun povu ni’an kona-bá inundasaun, ne’ebé deputadu sira hato’o iha PN.

“Antes ne’e husu ona ba Governu lori eskapatór atu kee rai, nune’e bainhira iha tempu udan labele fó impaktu ba komunidade, maibé realidade hatudu iha tempu udan lori sofre ba komunidade sira. saída mak akontese iha horibaintolu ne’e sé mak sala, la’ós MOP mak sala, keta halo moe ba Primeiru Ministru (PM), ha’u deskonfia atuál Ministru MOP agora la’ós nia área, tanba saída mak tidin nia ba iha MOP, sé nia matenek, nia tenke simu ami nia pedidu ne’ebé ami hato’o hodi fó orientasaun ba funsionáriu tun ba baze haree tuir preokupasuan ne’ebé ami hato’o nunka  hala’o”, deputada bankada KHUNTO ne’e liu husi ninia intervensaun iha plenária, Segunda (16-03-2020).

Olinda mós ezije ba komisaun E PN atu tun ba terenu hodi haree kondisaun komunidade ne’ebé afetadu ba inundasaun iha loron 13, fulan ne’e.

Husi sorin seluk, deputadu PLP, Noe da Silva, rekuza, deklarasaun husi KHUNTO ni’an no husu ba deputadu no entidade hotu, atu labele  dezakredita malu relasiona ho problema natureza ne’ebé akontese.

“Ita tenke tau sasan hotu iha ninia fatin, ita lalika haree buat ida akontese natureza, ita atu kulpa ba ema ida, ne’e laloos ne’ebé la bele dehan ministru ida ne’e laiha kapasidade, ema hotu hatene Khunto iha kapasidade duni. Akontesimentu natureza ne’e, ema ida labele dehan labele akontese inundasaun, akontese ne’e tanba natureza nia hahalok, la’ós kulpa ema ida ou Governu ni’an“, tenik Noe.

Entretantu iha loron 13, fulan ne’e, akontese udan kuaze oras rua nia laran de’it Díli nakfila tiha ba mota no lori sofrimentu ba komunidade ne’ebé lakon sira-nia família, hela fatin no dokumentu importante sira.

Tuir dadus husi Protesaun Sivíl ema 6700, família 1100 resin , iha suku 12, iha munisípiu Díli, tenke sai vítima ba inundasaun no ohin loron vítima sira hetan ona apoiu umanitáriu husi Governu.

Entretantu to’o notísia ne’e públika jornalista seidauk hetan konfirmasaun husi Ministru Obras Públika (MOP), Salvador Pires, relasiona ho kestaun ne’e. ety


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker