GMN TV Politika koligasaun tandingan FRETILIN-PLP deklara ba públiku

koligasaun tandingan FRETILIN-PLP deklara ba públiku

0 views

Koligasaun tandingan versaun partidu FRETILIN ho Partidu Libertasaun Popular (PLP), ohin Sábadu (21/3/2020), deklara ba públiku, maske ho deit kadeira 31 kompara ho koligasaun versaun partidu CNRT, PD, KHUNTO, PUDD, UDT, ho FM ne’ebé iha kedas kadeira 34.

Tuir konvite ne’ebé GMN hetan haktuir katak, koligasaun foun versaun FRETILIN ho PLP ne’e hodi loke dalan ba forma IX Governu konstitusional no kontribui ba sai husi impase polítika iha Timor-Leste. Eventu ne’e sei hala’o iha Hotel Timor, Díli.

Partidu FRETILIN iha nia istória forma ona koligasaun minoritária iha tinan 2017 ho Partidu Demokrátiku, iha ne’ebé momentu ne’eba la garante estabilidade Governativa, nune’e ikus mai lori duni programa Governu nian ba Parlamentu Nasional xumbadu tiha. Nune’e Primeiru Ministru, iha momentu ne’eba Marí Bin Amude Alkatiri, mos la hodi tan programa Governu minoritária ba segunda vez ninian.

Haree ba sirkunstansia hirak ne’e, Prezidente Repúblika (PR), Francisco Guterres Lú Olo, disolve Parlamentu Nasional konvoka eleisaun antesipada, nune’e partidu polítiku sira tun ba halo hikas kampaña eleitoral atu nune’e ikus mai povu bele vota fila fali.

Iha kontekstu ida ne’e, partidu koligasaun ho naran Aliansa Mudansa ba Progresu (AMP), ne’ebé kompostu husi CNRT, PLP, KHUNTO manan iha eleisaun hodi forma Governu da-ualu. Maibe ukun la to’o rohan tanba CNRT vota abstensaun hodi akomoda CNRT nia preokupasaun katak presiza halo remodelasaun ba Governu daualu mak bele lori orsamentu ba PN, maibe pedidu hirak CNRT nian ne’e Primeiru Ministru, Taur Matan Ruak, nu’udar mos Prezidente Partidu Libertasaun Popular la preokupa. Nune’e halo dezenvolvimentu fíziku la la’o, tanba Estadu funsiona deit ho orsamentu duodesimal.

Tanba preokupasaun hirak ne’e hotu Prezidente Repúblika, Francisco Guterres  Lú Olo bolu líder partidu polítiku sira, sosiedade sivíl, relijioza sira tur diskuti, troka hanoin ba malu oisan hakotu impase polítiku ne’ebé dura to’o ohin loron. Ikus mai PR Lú Olo deklara ba públiku opsaun tolu hakotu impase polítiku hanesan, eleisaun antesipada hanesan rekursu ikus liu, husu ba partidu asentu parlamentar halo movimentu polítiku hodi forma koligasaun foun, no mantein Taur Matan Ruak nu’udar PM.

Opsaun hirak ne’e hotu halo partidu asentu parlamentar neen hanesan CNRT, PD, KHUNTO, PUDD, UDT, FM buka malu hamutuk hodi atinji maioria parlamentar ho kadeira 34 iha ne’ebé garante ona estabilidade governativa no lori ona koligasaun foun ne’ebé kumpri ona rekezitus konstitusional katak liu ona husi konferénsia no oligasaun hodi indijita Kay Rala Xanana Gusmão nu’udar Primeiru Ministru ba hato’o ba PR Lú Olo, maibe to’o ohin loron karta koligasaun foun lideradu funu nain Kay Rala Xanana Gusmão nian ne’e, seidauk hetan resposta klaru husi PR Lú Olo. Tanba ne’e halo partidu ne’ebé forma koligasaun ho CNRT ne’e preokupadu bainhira mak PR bele pronunsia sai, tanba nia rasik mak haruka ema halo tiha movimentu politiku iha Parlamentu Nasional.

Preokupasaun hirak ne’e seidauk rezolvidu, povu iha hela “nakukun laran” mosu tan koligasaun tandingan versaun FRETILIN-PLP ne’ebé la hetan maioria iha parlamentu nasionál no mukit ba estabilidade governativa, maibe “ulun toos” harii nafatin ho objetivu hanesan “ajitasaun propaganda ida” katak, forma IX Governu hodi hakotu impase polítiku iha rai-laran ne’ebé seidauk iha solusaun.GMN


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker