GMN TV Politika Osan falsu viral iha TL hodi temi naran Xanana, CNRT husu Polísia investiga autór

Osan falsu viral iha TL hodi temi naran Xanana, CNRT husu Polísia investiga autór

0 views

Xefe bankada CNRT, Duarte Nunes, husu ba Polísia Nasionál Timor-Leste (PNTL), atu halo investigasaun kle’an hodi buka tuir autór ne’ebé temi naran Prezidente partidu CNRT, Xanana Gusmão nia naran ba kazu osan falsu ne’ebé mak sai virak iha Média Sosiál (MedSos).

“Ha’u rona akontesimentu dehan osan falsu iha Liquiça, ita espera investigasaun la’o ona iha polísia, ha’u husu komisaun B  atu akompañia situasuan ne’e to’o iha ne’ebé, enkuantu  kazu  ne’e akontese iha Indonézia  kleur ona, maibé oras ne’e dau-daun sai virál tebes. Ami mós konkorda ita boot sira preokupa, enkuantu mais ami, tanba ami-nia Prezidente partidu nia naran boot iha ne’ebé ita bo’ot sira mai iha ne’e halo virál liu tan, ita bele dehan hanesan, tanba interese. Ha’u hanoin ita akompañia servisu polísia mós ba to’o iha ne’ebá, informasaun klaru, ha’u fiar ita-nia polísia mós hatene, tanba ne’e, ha’u hanoin PN tenke husu komandante mai halo esklaresimentu iha ne’e”, Xefe bankada CNRT ne’e liu husi plenária iha PN, Segunda (02-03-2020).

Husi sorin seluk, deputada bankada FRETILIN, Lídia Norberta, hateten, iha tinan kotuk osan falsu konsege sirkula iha munisípiu Liquiça no sidadaun balun sai vítima.

“Ho informasaun ne’ebé sai ona virál iha Média Sosiál (MedSos) kona-bá osan falsu, ami preokupa tebes kuandu halo kontaktu eleitorál iha munisípiu Liquiça populasaun sira mós hato’o sira-nia preokupasaun relasiona osan falsu, sira  rasik fó sira-nia esperénsia. Señora ida hetan apoiu husi igreja ne’ebé nia ba kios, hafoin kios na’in sura pemasukan ohin loron ni’an haree osan falsun nia komunika ho señora ne’e relata osan falsu. Alende ne’e mós iha joven balun uza musila kaer nafatin osan falsu ba iha kios, sai ba buka ema hala’i tiha ona, tanba sitausaun ne’e bainhira iha eleisaun joven barak halo movimentu ba mai ho musila hafoin remata eleisaun laiha ona,” deputada bankada FRETILIN ne’e.

Hatán ba preokupasaun ne’e, Ministru Reforma Lejislativa no Asuntu Parlamentár (MRLAP), Fidelis Magalhães, lakohi komenta ba kazu refere, tanba kompeténsia PNTL ni’an.

“Ita hotu lakohi komenta ba ida ne’e, tanba iha autoridade investigasaun polísia ni’an iha, ita mós iha adidu iha Indonézia bele koordena. Aviza ba públiku ema ne’ebé kaer ka iha tendénsia temi ema-nia naran arbiru para modus koko atu temi ema nia naran arbiru investigasaun iha faze priméiru ita labele kaer hanesan lia loos. Kona-bá ida ne’e, entrega ba parte justisa mak haree, liu-liu polísia no ida ne’e, hanesan lisaun ida, ho akontese kazu hirak ne’e husu polísia atu monta sistema hodi fahe informasaun ba públiku sira”, informa Fidelis”, informa governante ne’e. ety


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker