GMN TV Politika PLP nota koligasaun foun latuir koridor legál ■CNRT haruka PLP keixa ba Tribunal

PLP nota koligasaun foun latuir koridor legál ■CNRT haruka PLP keixa ba Tribunal

0 views

Vise Xefi Bankada PLP, Francisco Vasconcelhos, husu koligasaun foun ne’ebé forma husi partidu neen tenke tuir koridor Estadu. Tanba indijita Primeiru Ministru foun, iha ne’ebé Primeiru Ministru atuál sei eziste hela.

 “Partidu Libertasaun Popular (PLP), konsidera koligasaun foun halo golpe ba Estadu, tanba indijita tan Primeiru Ministru (PM) ida bainhira Primeiru Ministru ida eziste hela,” afirma, Vise Xefi Bankada PLP, Francisco Vasconcelhos, iha Parlamentu Nasional, Kinta (12/03/2020).

Vise Xefi Bankada PLP ne’e aprofunda, koligasaun foun hato’o mos karta pedidu ba Prezidente Repúblika (PR), halo audensia no partidu sira ne’e indijita Primieru Ministru foun ne’e viola ona Konstituisaun Repúblika Demokratika Timor-Leste (K-RDTL).

“Sira haruka ona karta pedidu ba PR halo audensia no partidu koligasaun ne’e indijita PM, ne’e viola K-RDTL artigu 106 sira tenki konprova no hatudu ba Prezidenti Repúblika (PR) katak, partidu maioria mak ne’ebé, tenki iha maioria ida mak, bele indijita PM”, dehan, Francisco Vasconcelhos.

Vasconcelhos esplika liutan, iha K-RDTL artigu 106 hateten katak, PM indijita husi partidu mais votadu ho aliansa maiora parlamentar, maibé meza PN kinta lejislatura kompoin husi,CNRT, PLP, KHUNTO no FM, ne’e hatudu katak koligasaun foun, tenki halo distituisaun ba meza PN, hodi garante ba PR iha maioria ida, PR bele indijita PM, se iha meza PN, seidauk rezolve oinsa mak sira indijita PM, ne’e ba PLP katak, tentativa Golpe de Estadu.

“Tamba ita labele indijita PM, bainhira PM ida sei iha, tanba iha regra jurídiku TL, laiha definisaun ida kona-ba governu jestaun,  governu ida agora ne’e plena poderes, problema mak nia laiha OJE ida ne’ebé bele halo dezenvolvimentu, maibé la’o ho duodésimu to’o OJE aprova”, subliña, Xefi bankada PLP ne’e.

Nia hatutan, bainhira pedidu PM, ne’ebé hato’o ba PR seidauk aprova no dekreta iha PR, meza PN mantein ho ida agora ne’e, signifika situasaun lao normal hela, PN kintu lejislatura seidauk iha mudansa iha meza PN signifika situasuan lao normal, tamba saida mak sira indijita PM, ne’e mak PLP dehan tentativas golpe de estadu.

“Koligasaun foun indijita PM ne’e baze legal ne’e saida,  sera que ida ne’e fó solusaun ba impase? ne’e solusaun oinsa? tamba ema no partidu ne’ebé hanesan, halo tiha impase ba sorin halo fali koligasuan, depois fó solusaun ba impase CNRT sumba tiha orsamentu, soe hela PLP no KHUNTO ba fali harii koligasaun ida, PLP no KHUNTO afavor ba OJE, prinsipiu iha akordu plataforma AMP katak, orsamentu tenki pasa, sira viola tiha prinsipiu ida ne’e depois ba harii fali koligasaun foun fó solusaun ba problema, ne’e la lojika” afirma, Francisco.

Hatán ba preokupasaun ne’e, Prezidente Bankada CNRT, Duarte Nunes, husu fali ba kuadru PLP sira atu lori problema ne’e ba deit Tribunal mak sei deside.

“Golpe ka la’os golpe, ema halo golpe asaun armada ne’e buat seluk. Kona-bá polítika se mak halo golpe, Tribunal mak sei deside. Lori ba Tribunal deit. Koligasaun foun iha kadeira 34, ne’e garante sei suporta governu to’o hotu, 33 mós garante”, dehan Duarte Nunes. Cin

 


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker