GMN TV Politika PM Taur afirma, militante partidu “ai-kakeu” la’ós oportunista

PM Taur afirma, militante partidu “ai-kakeu” la’ós oportunista

Primeiru Ministru (PM), Taur Matan Ruak, hatete, militante no simpatizante husi partidu polítiku sira ne’ebé “ai kakeu” katak la konsistente hodi halai tun-halai sa’e ba partidu seluk la’ós oportunista, maibe ne’e mak demokrasia lolós.

“Tanba saida mak sira mai partidu foun, ita dala ruma dehan hanesan ne’e, sira ne’ebé halai tun-sae dehan oportunista, não! Sira (militante, simpatizante) ne’ebé halai tun-sa’e, ida ne’e mak halo demokrasia ne’e buras liu tan”,dehan PM Taur iha nia diskursu iha Centro Convenções de Díli, Domingu (8/3/2020), bainhira ba ensera segundu kongresu nasionál Partidu KHUNTO nian ba daruak.

Tanba ne’e, PM Taur dehan, lideransa partidu polítiku sira presiza halo servisu maka’as, atu nune’e militante sira labele halai tun-halai sa’e.

PM Taur nu’udar mos Prezidente Partidu Libertasaun Popular ne’e subliña katak, Partidu ne’ebé ukun nasaun to’o tinan lima remata, hodi tama fali ba votasaun ninia votu nunka sa’e. maibe ema balu hanoin la hanesan ne’e.

“Sira balu dehan, partidu ne’ebé ukun, sira nia votu sa’e, ha’u kontráriu. Partidu ne’ebé ukun, nunka sa’e, tun mak iha. Entaun ha’u nia tauk mak partidu KHUNTO ho PLP agora ukun, keta halo ba aban mak balu halai tan karik? Mas ne’e tanba saida? Entaun ne’e hanesan ezersísiu ida iha tempu ba tempu retrospesaun, análiza para ita determina sala ita nian ne’e iha ne’ebé? Pior liu tan mak ita iha Governu atu ba eleisaoens mak projetu bar-barak, ne’e ema halai liu tan”dehan PM Taur.

Tuir PM Taur, ema sira ne’ebé kaer partidu tenke iha hanoin hanesan, iha konviksaun ida deit atu lori partidu buras liu tan hodi serví povu no nasaun.GMN


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker