GMN TV Politika PM Taur: Lolos maun Xanana mak fó liafuan ba veteranu sira

PM Taur: Lolos maun Xanana mak fó liafuan ba veteranu sira

0 views

Komemorasaun loron veteranu ba datoluk, Primeiru Ministru, Taur Matan Ruak, hatete, tuir lolos líder rezisténsia Kay Rala Xanana Gusmão, mak hato’o liafuan murak ba veteranu sira atu labele haluha esperiénsia pasadu hodi sakrifika interese individual tau interese koletivu hodi tane interese nasionál.

“Lolos maun Xanana mak iha ne’e fó liafuan ba veteranu sira, mas nia laiha, ha’u lori nia naran fó saudasoens espesial ba nai veteranu sira, husi Frente Armada, Frente Klandestina no Frente Diplomata”, dehan Taur Matan Ruak, iha Centro Convenções de Díli (CCD), Tersa (03/03/2020).

Eis Gerilleriu ne’e lori veteranu hotu nia naran, hato’o saudasaun espesial ba veteranu sira husi Austrália no kontente tanba relasaun diak tebes entre veteranu Timor-Leste ho Austrália.

“Ha’u kontente los bele haree relasaun di’ak entre veteranu Timor-Leste no Austrália, ne’ebé ba ita sai referensia ida tamba sira iha esperiensia barak, oinsá mak organiza sira nia aan iha tempu ba tempu, para bele entegra iha dezenvolvimentu nasaun nian.”dehan PM Taur.

Xefi Governu ne’e hatutan, uluk iha objetivu bo’ot ba ukun aan, no agora iha objetivu mak benstar, seguransa no nasaun nian, iha Munisipiu hotu bo’ok aan, maibé iha Munisipiu Ainaro kria fundu rasik.

Ohin iha ona fundu atu dezenvolve aan, sira sakrifika rekursu oituan iha prezenti bele rai ba futuru, liu-liu ba sira nia oan, Munisipiu seluk la konsege halo ida ne’e.

“Tempu bo’ot ida mak ita lakon, maibé seidauk tarde tamba iha ema hotu iha hanoin di’ak, para projeta aan ba futuru, fó kontribuisaun ba dezenvolvimentu nasaun ida ne’e nian, tamba ne’e veteranu sira labele haluhan ne’e esperensia ita nian iha pasadu, sakrifika ita nia interese individual, interese koletivu hodi interfere interese nasionál, tamba ne’e esperensia ida ne’e mak tenki kaer nafatin”, hateten, Xefi Governu, Taur Matan Ruak.

PM Taur, aprofunda liutan, durante loron hira nia laran, ita bo’ot sira diskuti troka hanoin barak kona-ba situasaun relasiona ho pasadu, prezente no futuru.

“Finalmente ohin ita bo’ot sira servisu hamutuk ho Sekretariu Estadu Asuntu Veteranu, ita bele hala’o projetu ida ne’e, projetu ne’e hetan apoiu maka’as husi, Prezidente Repúblika, ha’u rasik, Jeneral Lere Anan Timur, no husi responsavel sira Frente Armada no Frente Klandestina nian, ida ne’e atu konsolida ita nian intervensaun ida vida ekonomia família nian, liu-liu nasaun nian”, akresenta, Taur Matan Ruak.

Taur Matan Ruak subliña liutan, situasaun ne’ebé iha rai laran, kadavez ba vizita komunidade sira, maibé grupu husi veteranu nian, koalia liu ba situasaun ekonomia, tamba ne’e parabens ba vizaun ida ne’e, ne’e pasu ida importante, tinan 20 hateke fali ba kotuk, sei hatete valeu apena, tamba sakrifika osan hodi bele akumula rekursus ba projeta iha futuru.

Nune’e, Xefi Governu ne’e husu ba konsellu kombatentis ne’ebé hari’i ona, pro-ativu hodi bele kontinua servisu nafatin, Governu nia parte kontinua halo buat hotu, hodi kontribui Independentimente Governu ida ne’ebé deit.

Asuntu veteranu sai hanesan asuntu ida konsensual iha ita nia nasaun, tamba ne’e, veteranu sira aproveita oportunidade ida ne’e, koalia ho Xefi Estadu, Xefi Governu no Parlamentu Nasionál, kona-ba planu ne’ebé di’ak ba futuru no rekursu saida mak presiza.

“Se ita la haree ba ida ne’e ita hela ba lamentasaun deit, ha’u hanoin laos ona tempu ba ida ne’e, maibé tempu para halo asaun, ha’u mós hakarak manifesta sentidu solidariedade ba, maluk veteranu ne’ebé mate iha tempu funu no iha tempu ukun aan,tamba ne’e ita presiza hatutan hahalok di’ak ne’ebé mak sira husik hela ba ita”, afirma, Taur Matan Ruak.

Komandante En Xefe FALINTIL luta libertasaun nasionál, Kay Rala Xanana Gusmão, iha loron veteranu nian ne’e la marka prezensa no seidauk hatene tanba saida.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker