GMN TV Politika PM Taur: Orgullu PN autoriza PR dekreta Estadu Emerjensia

PM Taur: Orgullu PN autoriza PR dekreta Estadu Emerjensia

0 views

Primeiru Ministru (PM) Taur Matan Ruak, orgullu ho membru Parlamentu Nasionál (PN), tamba fó autorizasaun ba Prezidenti Repúblika (PR), atu dekreta Estadu Emerjensia, ho votus unanimidade.

“Ha’u orgullu lós nó hakarak fo parabens, ba prezidenti PN no deputado sira, ba desizaun atu fo autorizasaun, ba PR atu dekreta Estadu Emerjensia, iha ita nia rai, ita halo tan istoria ida, ne’e exemplo ida ke diak lós ba ita nia sidadaun sira”, Afirma, Xefi Governu, Taur Matan Ruak, iha PN, Kinta (26/03/2020)

Primeiru Ministru aprofunda liutan, ne’e hatudu katak iha momentu ne’ebé ita nia país, ita nia povu hetan risku no problema ba nia moris ita hamutuk.

“Hau apela ba sidadaun sira, para ke loopers, liu-liu Inan-Aman sira ne’ebé, iha oan no família iha rai liur, kuandu mai labele subar sira, fó sai ba ita nia ajentis mediku sira, PNTL no F-FDTL ne’ebé besik, para kanaliza Sira ba sentru saude sira, hodi fó orientasaun para bele proteje sira ba moras ida ne’e, no mós ajuda proteje sira nia familia no ita nia komunidade” akresenta,PM Taur.

Governante ne’e esplika, movimentu sei limite mais aplikasaun, medidas hirak ne’e, sei tuir evolusaun situasaun nian, tamba la’os ita dehan labele ne’e labele, presiza ba óspital, klinika no ba sosa buat ruma, maibé sei iha regra para hotu-hotu tuir, para labele ba halibur malu, la’o besik malu, para depois bele kontazia malu liu-liu, kuandu sira ne’ebé suspeita bele kontazia sira seluk, mais medidas sira ne’e hotu sei fó hatene.

“Ha’u hanoin aban Prezidenti Parlamentu Nasionál, sei haruka ba Xefi Estadu, sei dekreta  no governu sei prepara kondisaun hodi halo implemetasaun”, hatete, PM Taur Matan Ruak.

Xefi Governu ne’e subliña, Governu sei halo esforsu para ajuda proteje sira, primeiru hatene instrusaun sira ne’ebé nesesariu baziku, para evita kontaziu ne’e, segundu sei iha posibilidade para bele ajuda, liu-liu mediku, jornalista para proteje sira nia aan, wainhira sira tau matan ba ita nia sidadaun ne’ebé infeitadu, ami sei halo buat hotu para ajuda.

PM Taur esplika, vantajen husi Estadu Emerjensia, tamba ita nia movimentu limita, tamba moras ida ne’e, daet ba ema ida no ba ema seluk, kuandu ita halo limitasaun ba movimentu, ne’e dalan diak atu ita impede buat ne’e labele daet, nia hanesan mós ahi kuandu lakan iha ne’ebé bele hamate, sé ita husik nia sei lao nafatin.

“Nasaun barak sofre tamba sira la hola medidas lalais, atu halo izolamentu obrigatoriu, interdisaun movimentu ema nian ne’e obrigatoriu, forma diak ita atu kombate moras ne’e, mak limita ita nia movimebtu sira, idak-idak iha nia fatin, sai nesesariu deit, labele lao tun sae hanesan uluk mate iha ita ba tur hamutuk”, afirma PM Taur.Cin


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker