GMN TV Politika PN aprova unanimidade karákter urjénsia ba pedidu levantamentu FP

PN aprova unanimidade karákter urjénsia ba pedidu levantamentu FP

0 views

Parlamentu Nasionál (PN) kinta lejislatura vota ho unanimidade karakter urjénsia ba pedidu levantamentu osan husi Fundu Petrolíferu (FP).

Pedidu karakter urjénsia ne’e passa ho votus unanimidade a favor 64 kontra 0 no abstensaun 0, maske nune’e deputadu PLP, Sabino Guntur la marka prezensa iha plenária.

Iha diskusaun ne’e, xefe bankada Fretilin, deputadu Aniceito Guterres afirma, governu laiha dalan seluk ne’ebé bele fó fleksibilidade, tanba ne’e tuir Fretilin úniku altera lei jestaun finanseira de’it mak prioridade liu, duke pedidu levantamentu refere.

“ Hau haree ita nia retórika sira ne’e, tenta atu rekopra ninia sala ne’ebé sumba OJE 2020 ne’e. Ne’e atu hateten dehan osan uluk ami la aprova maibe agora ami bele autoriza osan. Osan iha, maibe kesi nafatin governu oituan-oituan, depois hotu tiha mak governu tenke hakdasak mai tan, tanba maioria. Se levanta $250 milloens ne’e, ezekuta tiha tenke hakdasak mai fali, hau lafi’ar pedidu ne’e mai fali tan imi atu aprova, ne’e la aprova ona, tanba husik situasaun ne’e la’o hanesan ne’e para ema ejize mak governu, Polítika ida ne’e fo’er, estraga povu, sei tama hotu interese podér,”deklara Aniceto Guterres iha plenária estraordinaria, Kuarta(25/03/2020).

Alende ne’e, deputadu CNRT, Adérito Hugo afirma,  pedidu levantamentu ka transferensia estraordinariu husi FP ne’e prioridade liu, tanba fasil no lais ba governu atu lori responde situasaun atual iha rai-laran, duke altera lei jestaun finanseira ne’ebé presiza lori tempu, liu-liu estatutu governu rasik seidauk klaru.

“ Hau nia preferensia klaru teb-tebes iha seman hirak liuba, sra ministra finansa ho ministra saúde semana liu mai debate urjénsia iha nene’e, hau nia memoria sei moos teb-tebes,

Ne’ebé hateten katak despeza normal osan sei iha to’o fulan Maiu, depois fulan Juñu mak sei mai halo levantamentu ba osan hodi kobre nafatin, bainhira OJE foun seidauk iha,

Entaun ita husu urjénsia ba saida nian, atu troka artigu 31 para fó fleksibidade ba governu sem limita, labele, hau deputadu iha ne’e tinan 10 resin, ita hotu sei hakilar iha ne’e. Governu ida estatutu la klaru, depois ita atu fó fleksibilidade sem limite, favor, ohin ita ko’alia hanesan ne’e, maibe loron ruma normal ona, ita mai sei ko’alia kontrariu ona. Se nune’e ita lalika halo eleisaun ona, se fó osan ba governu sem limite, ita lalika forma ona governu, tanba ne’e iha ona fleksibilidade ne’e, sem limita tan, bele foti kualker tempu. Ha’u fiar katak ema ida sei la halo hanesan ne’e, satán PM Taur Matan Ruak, ita iha PN mak mai akuza no deklara nia, tenke tau buat loloos, se Taur Matan Ruak rona ita nia lian diskusaun, nia hamnasa loos ita,”tenik Hugo.

Maske nune’e, pedidu ba levantamentu refere passa ona ho karakter urjénsia, nune’e meza baisa kedas ba komisaun C ne’ebé trata asuntu finansa públika hodi halo relatoriu pareser téknika, nune’e lori hikas ba plenária atu diskute nia kontíudu no aprova.Say


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker