GMN TV Politika PN konsidera Governu “maten liu” prepera fatin izolamentu ba COVID-19

PN konsidera Governu “maten liu” prepera fatin izolamentu ba COVID-19

Deputadu sira iha Parlamentu Nasionál (PN) konsidera Governu da-ualu “maten liu” prepara fatin izolamentu ba ema sira ne’ebé kona Corona Virus Disease (COVID-19). Tanba moras ne’e akontese kedas iha tinan 2019, maibe Governu “finji” lahatene.

Deputadu sira mos ejize governu da-ualu, liu hosi koordenasaun liña Ministerial atu bele prepara ho lalais no urjente fatin izolamentu, nune’e izola ona suspeitu ne’ebé deskonfia iha COVID-19.

Prezidente komisaun F ne’ebé trata asuntu sosial, saúde no jéneru, Maria Barreto Gorumali, sujere, atu governu konvoka lalais enkontru hodi identifika no prepara fatin izolamentu ho lalais, hodi la afeita ba komunidade sira.

“Ami husu ba Sekretáriu Estadu, atu bele informa ba iha liña ministerial sira ne’ebé mak tama iha komisaun ida ne’e, atu esforsu aan hodi apoiu no halo koordenasaun ne’ebé mak forte, ho nune’e para atu bele estabelese lalais fatin izolamentu no mós karantina iha Timor-Leste, tanba agora dadaun ita iha suspeitu ida ne’ebé mak iha karantina hela, hein rona nia re zultadu ne’e, ho nune’e, ami husu komisaun ida ne’e, atu tau atensaun ho másimu, no mós tau prioridade, hodi kria lalais fatin izolamentu ne’e,”rekomenda deputada CNRT ne’e iha plenária, Segunda(09/03/2020).

Alende ne’e deputadu bankada PLP, Francisco de Vasconçelhos mós husu governu atu iha koordenasaun ho autoridade munisipiu, postu no suku sira, atu nune’e komunidade labele pániku ho desizaun governu nian hodi tau fatin izolamentu.

“Bainhira governu iha polítika ida atu halo antesipasaun ba vírus corona  ne’e iha Atauro, governu foin temi iha planu de’it, adminstradór postu halo deklarasaun, depois muda fali ba iha Metinaru xefe suku sira halo deklarasaun, ba fali iha Tibar mós halo deklarasaun. Ministériu Estatal nia papel ne’e oinsa? iha liña koordenasaun, ita iha Timor mak hanesan ne’e, haree sasán sira ne’e la’o ladun loos.”tenik deputadu PLP ne’e.

vise xefe bankada PLP ne’e mós preokupa ho negosiante sira ne’ebé aproveita tempu hodi hasa’e folin maske nian, hodi latuir regras negósiu nian.

Hatán ba asuntu ne’e, reprezentante governu iha PN, Sekretáriu Estadu Komunikasaun Sosial (SEKOMS) Mericio Akara afirma, governu kontinua sosializa informasaun  no halo esforsu hotu, para oinsa coronavirus ne’e labele tama iha Timor-Leste, hodi da’et ba sidadaun Timor-oan.

Antes ne’e, Primeiru Ministru, Taur Matan Ruak mós apela ona ba públiku, atu provizoriamente muda kultura komprimenta malu, hanesan ka’er liman, hako’ak malu no rei malu, nune’e bele prevene da’et vírus refere, tanba vírus refere fasil atu da’et, liu hosi iis, kontaktu isin ba malu no seluk tan.Say


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker