GMN TV Politika PN preokupadu ho folin máskara sa’e derepente

PN preokupadu ho folin máskara sa’e derepente

0 views

Parlamentu Nasionál (PN) preokupadu no kestiona máskara ne’ebé fa’an husi negosiante sira iha farmasia privadu inklui iha loja sira, folin sa’e derepente, hodi latuir regra negósiu nian.

Deputadu bankada PLP, Francisco de Vasconçelhos, konsidera, aktu negosiante sira ne’e, hanesan atu aproveita de’it tempu ho isu ba moras coronavirus ne’ebé sai preokupasaun ba ema hotu iha mundu, inklui Timor-Leste.

“Iha semana kotuk ba ita rona dehan máskara ne’e ema hasa’e nia folin tiha ona, ho folin ne’ebé boot tebes, oinsa Ministériu saúde bele iha informasaun ne’ebé klaru”,kestiona deputadu ne’e.

Alende ne’e, deputada bankada CNRT, Veneranda Lemos husu Ministériu relevante sira, atu kontrola folin hahán, liu-liu hahán ne’ebé tuir informasaun média sosial katak bele halo prevensaun vírus refere, hanesan Liis-asu, ai-lia, kinur no du’ut morin.

“Ministériu relevante tenke halo kontrolu ho di’ak tanba, dalabarak presu sira hanesan ne’e, derepente de’it sa’e demaziadu, ne’ebé mak ita lahatene se mak halo kontrolu ba ida ne’e.

ai-han báziku sira ne’ebé ita iha, hanesan liis no ai-manas, barak liu sei mai hosi rai liur, ita halo ona prevensaun ba asuntu ida ne’e kala’e, se iha rai laran mak ai-han báziku sira ne’e nia presu sa’e, ita halonusa, husu ba governu atu tau atensaun ba kontrolu sira ne’ebé mensiona,”Lemos akresenta.

deputada ne’e mo sujere atu Ministériu saúde halo sosializasaun informasaun ho másimu, atu ema hotu bele halo antesipasaun, liuhosi fase liman bebeik, no konsumu ai-han ne’ebé bele hasa’e nutrisaun, liu-liu ai-han lokál sira, hanesan fehuk, ai-farina, talas, batar no seluktan.Say


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker