GMN TV Politika PN seidauk simu notifikasaun kona-bá Prado 12

PN seidauk simu notifikasaun kona-bá Prado 12

0 views

Sekretária Jerál Parlamentu Nasionál (PN), Cedelizia Fária dos Santos, informa, to’o agora PN seidauk simu notifikasaun ruma husi Ministériu Públiku (MP), rezultadu kona-bá kareta Prado 12 ne’ebé eis deputadu sira seidauk entrega ba PN.

“To’o agora ami seidauk simu notifikasaun ruma husi Tribunal, tanba ne’e mak prosesu ne’e sei la’o nafatin, ami husi PN ita hein de’it, wainhira ita simu notifikasaun ruma ou rezultadu ruma, ita prontu atu foti medidas kona-bá prado sira ne’ebé mak agora dadauk iha hela eis deputadu sira nia liman, maibé bainhira ita seidauk simu karta ka notifikasaun ruma, ita labele halo buat ruma kona-bá ida ne’e”, afirma Cedelizia ba jornalista sira iha PN, Kuarta(11/03/2020).

Fária relata, iha deputadu seluk re-eleitu no seluk entrega hikas, tanba ne’e, hela de’it 12 mak seidauk.

“Deputadu sira balun re-eleitu, iha 18 pessoas mak re-eleitu, entaun sira servisu no la simu kareta foun, sira uza nafatin kareta ne’ebé mak tuan, iha 12 deputadu de’it mak seidauk entrega no sei iha sira hela, seidauk fó fila ba PN, maibé kona-bá razaun ne’e, kada deputadu ida-idak iha nia razaun, entaun ida ne’e sira na’in mak bele hateten razaun tanba saida mak sira lakohi entrega”, subliña Santos.

Entertantu, prosesu ba kazu kareta prado ne’e PN haruka ona ba ministériu públiku, atu bele hetan solusaun tuir dalan legal.say

 


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker