GMN TV Politika PPN Arão: Loron 60 la’ós últimu, maibe inísiu atu PR disolve PN

PPN Arão: Loron 60 la’ós últimu, maibe inísiu atu PR disolve PN

0 views

Prezidente Parlamentu Nasionál (PPN), Arão Noe de Jesus da Costa Amaral, hateten, loron 60, hahú husi loron ne’ebé Parlamentu sumba Orsamentu Jerál Estadu (OJE) tinan 2020, la’ós últimu ba Prezidente Repúblika (PR) atu foti desizaun, maibé inísiu tempu ba Xefe Estadu atu bele foti desizaun, bainhira Parlamentu Nasionál la konsege aprova OJE ne’e.

“Konstituisaun hateten dehan, mais de 60 dias, kuandu PN la aprova OJE, signfika husi ohin ba oin, tanba ema balun interpreta dehan 60 dias ne’e últimu, ne’e la’ós. Loloos ne’e liu 60 dias mak PN la aprova Orsamentu, PR bele dekreta disolve PN. Ne’e   mandatu konstitusional, ema ida la rekuza ida ne’e. Maibé agora kabe ba kompetensia PR nian, PR mak iha kompetensia ekskluziva ba ida ne’e katak, opsaun ida ne’ebé de’it mak di’ak, ne’e nakloke ba PR nia kompetensia, maibé ha’u lakohi komenta ba ida ne’e, ne’e kompetensia PR nian”,esplika Arão Noe ba jornalista sira, hafoin halo limpeza jerál iha Bidau Santa-Ana, Tersa (17/03/2020).

Entertantu, proposta Orsamentu Jerál Estadu ba tinan 2020 ne’e, sumba iha Parlamentu Nasionál iha faze jeneralidade, iha loron 17 fulan Janeiru tinan 2020 ne’e, tanba maioria deputadu sira vota abstensaun no kontra ba proposta ne’ebé aprezenta husi governu da-ualu, ne’ebé lideradu husi Primeiru Ministru, Taur Matan Ruak.

Tuir konstituisaun RDTL artidu 86, kompetensia Prezidente Repúblika nian, alínea F hateten, hakotu Parlamentu Nasionál iha kazu krime bo’ot institusional nian ne’ebé labele iha formasaun governu ka la aprova Orsamentu Jerál Estadu nian iha tempu naruk liu loron neen-nulu, wainhira rona tiha partidu polítiku ne’ebé hetan kadeira iha Parlamentu Nasionál, no rona tiha konsellu Estadu iha tempu ne’ebé laiha kdasar jurídiku atu halo disolusaun.say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker